МАН-ынхны шивнээ задарсан уу

64bf844gfg.jpg МАН-ынхны шивнээ задарсан уу

Энэ долоо хоногийн трэнд сэдэв “Эрдэнэт үйлдвэр”-ийн хувьчлал байлаа. Монголын саалийн үнэ гэгдэх тус үйлдвэр үндэснийх болсон нь сайшаалтай ч, хэн, хэрхэн яаж авсаныг нийтэд дэлгэхийг ард түмэн шаардаж буй.

Засгийн газрын даалгавраар тус үйлдвэрийн хувьчлалыг шалгасан ажлын хэсгийн дүгнэлтийг сонссон Ерөнхий сайдын кабинетийнхэн 2016 оны зургадугаар сарын 2-ны өдрөөс 29-ний хооронд “Эрдэнэт” үйлдвэртэй холбоотойгоор гаргасан Сангийн сайдын тушаалуудыг хүчингүй болгосон. Мөн Эрдэнэт” үйлдвэрийн 49 хувийн хувьцааг худалдаж авах санхүүгийн эх үүсвэрийг нэр бүхий арилжааны банкнаас гаргасан байх тул хуульд заасан эрхийн дагуу энэ үйл ажиллагааг шалгаж танилцуулахыг Монголбанкинд даалгаад нийтэд ил мэдээлэхийг үүрэгдсэн.

УИХ-ын туршлагатай парламтентч нь Засгийн газраа унагаах хэмжээнд хүрч мэдэх эл асуудлыг шийдэхийн тулд МАН-ынхан хуралдсан гэнэ. Тэд Ерөнхий сайд асан Ч.Сайханбилэгийг оролцуулан түүний кабинетын гурван сайдыг АТГ, Цагдаагийн байгууллагаар шалгуулахаар болсон гэнэ. Учир нь, Эрдэнэт үйлдвэрийн хувьчлалыг сонгуулийн өмнөхөн чимээгүй явуулж, Худалдаа хөгжлийн банкны мэдэлд очсоныг олон түмэн мэдсэн. Эрдэнэтийн мөнгөөр үйлдвэрийн авав уу, улсын өмчийг үнэгүйдүүллээ гэх хардлага олон нийтэд төрч, Ерөнхийлөгч хүртэл оролцсон улстөржсөн энэхүү асуудлыг шийдэхийн тулд ийнхүү АТГ-д хандахаас аргагүй болсон бололтой.

Нөгөөтэйгүүр, их хувьчлалтай холбоотой баримт ч МАН-ынхны гарт орж ирсэн юм бил үү, хэн мэдлээ. Асуудал олон хүнийг араасаа чирж мэдэх нь...

 

newscom.mn

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ