ХЭНТИЙН НӨХӨН СОНГУУЛИЙГ ИРЭХ ЗУРГАДУГААР САРД ЗОХИОН БАЙГУУЛАХААР ТОВЛОЖЭЭ

zzx.png ХЭНТИЙН НӨХӨН СОНГУУЛИЙГ ИРЭХ ЗУРГАДУГААР САРД ЗОХИОН БАЙГУУЛАХААР ТОВЛОЖЭЭ

УИХ-ын хамгийн залуу гишүүн гэгдэх Д.Гантулга хүчингийн хэрэгт холбогдсоноор УИХ-ын 42-р тойрог эзэнгүй болоод удаж байна. Тэгвэл УИХ-ын сонгуулийн 42 дугаар тойрогт УИХ-ын нөхөн сонгууль зарлаж, санал хураалтыг 2019 оны 6 дугаар сарын 30-ны өдөр явуулах саналыг Сонгуулийн Ерөнхий хороо УИХ-ын Төрийн байгуулалтын байнгын хороонд ирүүлжээ.

Байнгын хороо Сонгуулийн Ерөнхий Хорооны саналыг 2018 оны 12 дугаар сарын 05-ны өдрийн албан бичгээр хүлээн авсан бөгөөд уг асуудлыг УИХ-ын 2018 оны намрын ээлжит чуулганы хугацаанд багтааж хэлэлцүүлж шийдвэрлүүлэх байр суурьтай байгааг эх сурвалжууд мэдээлж эхэллээ.

Түүнчлэн УИХ-ын нөхөн сонгуулийг зохион байгуулах зардлын хэмжээг 287 сая 614 мянга 335 төгрөгөөр тооцсон байна. Мөн нөхөн сонгуулийг 2019 оны 02 дугаар сарын 10-ны өдрөөс эхлүүлэхээр товлон зарлах асуудал багтжээ.

АРДЧИЛАЛ.МН

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ