ТУЛААНЧ О.ПҮРЭВИЙГ Т.ГАНБОЛД ДЭМЖИЖ АЖИЛЛАХААР БОЛЖЭЭ

purevv.jpg ТУЛААНЧ О.ПҮРЭВИЙГ Т.ГАНБОЛД ДЭМЖИЖ АЖИЛЛАХААР БОЛЖЭЭ

Өнгөрөгч бямба гарагт "АСА цирк"-д "Mongol Fighting Championship" олон улсын холимог тулааны аварга шалгаруулах тэмцээн болж өндөрлөсөн. Тус тэмцээний онцлох тамирчдын нэг О.Пүрэвийг олон нийт "Пүрэвийн мухлаг"-ийн залуу гэдгээр нь андахгүй сайн мэдэх болсон. "Би амьдралын төлөө тулалддаг" хэмээсэн тэрээр тун удахгүй дэлхийн хэмжээний тэмцээнд оролцох гэж буй. Үүнд багагүй хэмжээний хөрөнгө мөнгө шаардлагатай байгаа бөгөөд тэмцээний зардалдаа нэмэр болохоор өөрийн зурагтай календарь болон нэрийн хуудсыг борлуулж буй түүнд "Алтан дорнод Монгол Корпорейт Хотел" ХХК-ийн хамт олон туслалцаа үзүүлэхээр болжээ. Тус компанийн захирал О.Пүрэвийн ялалтыг 5 сая төгрөгөөр мялаасан байх бөгөөд түүнийг дэмжиж ажиллахаа илэрхийлсэн байна.

Энэ тухай О.Пүрэв "Маш сайхан өдөр байна аа. Алтан дорнод Монгол Корпорейт хотел ххк компанийн хамт олон Ганболд ах дэмжин ажиллахаар боллоо. Мөн 5сая төгрөгөөр ялалтыг минь мялааж дэлхийн аварга болоорой гэж захиж сайхан ерөөлөөр ерөөлөө. Анхны дэмжигч том байгууллагадаа болон Монгол ахан дүүстээ маш их маш их баярлаж явдаг шүү. Цаашдаа улам илүү хичээж дэлхийн аварга болохын тулд шаргуу хөдөлмөрлөнө өө. Баярлалаа Баярлалаа Баярлалаа" хэмээн өөрийн сэтгэгдлийг илэрхийлсэн байна.

 

Image may contain: 3 people, people standing and indoor

 

Б.Болор

Эх сурвалж: Factnews.mn

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ