Я.САНЖМЯТАВ:М.ЭНХБОЛД ОГЦОРЧ, 60 ТЭРБУМЫН ХАРИУЦЛАГА У.ХҮРЭЛСҮХЭД УЛАМЖЛАГДАН ҮЛДЛЭЭ ШҮҮ

hhfhhhjh.jpg Я.САНЖМЯТАВ:М.ЭНХБОЛД ОГЦОРЧ, 60 ТЭРБУМЫН ХАРИУЦЛАГА У.ХҮРЭЛСҮХЭД УЛАМЖЛАГДАН ҮЛДЛЭЭ ШҮҮ

УИХ-ын гишүүн, дэд дарга Я.Санжмятав: "Хоёр сар гаруй гацсан парламентын гацаа өнөөдөр тайлагдах байх гэж найдаж байна. Гацсан энэ цаг хугацаанд нутгаараа хоёр удаа явж ажиллаж ард түмний санал бодлыг сонслоо. Хөдөө орон нутагт зуд турхан алга. Малчин түмний сэтгэл өөдрөг сайхан байна. Харин бид нарт их санаа нь зовж байна. Учир нь зуд турхан гэдэг чинь төрийн ордонд, Сүхбаатарын талбай дээр байна шүү гэдгийг хэлж захиж байна. Энэ зудаа хурдан тайлаач гэж байна. Миний хувьд УИХ-ын даргыг огцруулах асуудалд санал нэг байгаа. энэ бол ганцхан М.Энхболд гишүүнтэй хариуцлага тооцох гэж байгаа асуудал биш. МАНАН бүлэглэлтэй тэмцэх тэмцлийг эхлүүлэхгүй бол улс орон буруу тийшээ явчих гээд байгаа учир гарын үсэг зураад яваад байгаа юм. МАН-ыг эв зүйгээ ол, эвтэй бай гэдгийг 2016 онд УИХ-ын үйл ажиллагаа нээгдсэн цагаас л хэлсээр ирсэн. Олдвол өлдөнө гэдэг шиг албан тушаал болон хэн нь их идэх үү гэж булаацалдаж байгаад Монголын ард түмнийг сөхрүүлээд итгэлийг нь алдаад, Монгол төрийн дархлааг муутгах бүх зүйлийг ханатал хийлээ. Та бүхэн цаашдаа Монголын ард түмний итгэлийг дааж явж чадахгүй.

Та бүхэн парламентын түүхэнд хараар бичигдэх хуулийг баталсан. Бараг М.Энхболд гэдэг нэртэй хууль батлаад гарсан. Энэ нь парламентын дархлаанд маш хүнд байдлыг бий болгосон учир цаашдаа энэ асуудлыг сайн бодох ёстой.

М.Энхболд чөлөөлөгдсөнөөр цаашдаа 60 тэрбумын асуудлыг цэгцлэх, стратегийн ордуудаас хулгай хийсэн хулгайчид лицензүүдээ буцааж тушаах хүмүүстэй хариуцлага тооцох, ЖДҮС-аас мөнгө мөнгө авсан гишүүдтэй хариуцлага тооцох, 300 гаруй чиглэлийн саналууд буюу шилний цаанаас мөсөн чихэр долоолгож байж саналыг нь авсан ард түмний итгэлийг хөсөрдүүлсэн та бүхний хариуцлага У.Хүрэлсүхэд уламжлагдан очиж байна. Тиймээс өнөөдрөөс эхэлж Ардчилсан нам болоод Ардчилсан намын гишүүд, танай намын жирийн гишүүдтэй хамтраад, У.Хүрэлсүхээс бүх хариуцлагуудыг нэхэх болно шүү. Ганцхан хүнийг огцруулчихлаа одоо болчихлоо гэдэг асуудал байхгүй. Шударга ёс гэдэг зүйлийг танхимаасаа хэлж, ганц нэг лиценз хурааж аваад, хэдхэн хүнийг АТГ, цагдаа байгууллага дээр дуудаад бүх асуудал шийдэгдэхгүй. Тиймээс Ерөнхий сайд, олонхийн намын дарга У.Хүрэлсүхтэй дараагийн хариуцлага тооцох асуудлаар ойрын хугацаанд ярих ёстой.

Орон нутгийн иргэдтэй уулзаж байхад олонхи болсон МАН чихгүй, нүдгүй толгой болсон. Одоо хөлгүй, гаргүй боллоо. Ардчилсан нам гээд ардчиллыг анх байгуулсан 30 жилийн түүхтэй нам луйварчидтай тэмцэх тэмцлээ хүчтэй болгож өгөөч. Монголын ард түмний нүд, чих болох үүргээ биелүүлээч гэж хэлж байгаа. Тиймээс өнөөдөр энэхүү тэмцлийн эхлэл болгож УИХ-ын дарга М.Энхболдыг чөлөөлж байгаа юм" хэмээлээ.

АРДЧИЛАЛ.МН
Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ