САР ШИНИЙН БӨХИЙН БАРИЛДААН "БУЯНТ-УХАА" СПОРТЫН ОРДОНД БОЛНО

51082875_389914991575409_1016142361190727680_n.png САР ШИНИЙН БӨХИЙН БАРИЛДААН "БУЯНТ-УХАА" СПОРТЫН ОРДОНД БОЛНО

Билгийн тооллын XVII жарны шарагчин гахай жилийн сар шинийн баярт зориулсан улс, аймгийн алдар цолтой хүчит 256 бөхийн барилдаан хоёрдугаар сарын 4-ний өдөр буюу битүүнд  "Буянт-Ухаа" спорт цогцолборт болохоор товлогджээ.

МҮБХ-ны асуудлаар маргаантай байсан талууд ойлголцолд хүрч, "Бөхийн өргөө" нээгдсэн ч өмнө нь "Буянт-Ухаа" ордонд барилдаан зохион байгуулахаар бэлтгэл ажил хангагдсан байсан учир ийнхүү сар шинийн барилдааныг тус спортын ордонд хийхээр болсон аж.

Харин сар шинийн бөхийн барилдааны тасалбарыг нэгдүгээр сарын 26-ны өдрөөс эхлэн "Буянт-Ухаа" спортын төв ордны кассаар худалдаалж эхэлсэн байна. Үнийн хувьд байршил харгалзахгүй 10.000 төгрөгөөр худалдаалагдаж байна.

Энэ жилийн хувьд тасалбар дамлахаас болгоомжлох үүднээс нэг хүнд хоёроос илүү билет худалдаалахгүй гэнэ. Тасалбар худалдаж авахдаа иргэний үнэмлэхтэйгээ ирэхийг "Буянт-ухаа" спортын ордны албан хүн сануулжээ.

АРРДЧИЛАЛ.МН

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ