“ШАР ХАНТААЗТНУУД” 11 ДЭХ ДОЛОО ХОНОГТОО ЖАГСАВ

5c4c65aafc7e9309578b462a-810x500.jpg “ШАР ХАНТААЗТНУУД” 11 ДЭХ ДОЛОО ХОНОГТОО ЖАГСАВ

Францын Ерөнхийлөгч Эммануэль Макроны бодлого болон засгийн газрын үйл ажиллагааг эсэргүүцэгч “Шар хантаазтнууд” өчигдөр /2019.01.26/ 11 дэх долоо хоногтоо жагсжээ. Анх 2018 оны арваннэгдүгээр сарын 17-ны Бямба гаригт эхэлсэн уг жагсаал долоо хоног бүрийн Бямба гаригт зохион байгуулагдах болсон юм.

Энэ удаа Парис, зүүн нутгийн Тулуза болон бусад олон хотын гудамжинд жагсаал цуглаан өрнөжээ. Парисын жагсагчдын зарим нь хууль хүчнийхэнтэй мөргөлдөөн үүсгэж, ерөнхийлөгч Макроныг огцрохыг шаардаж байв. Хүчнийхэн рүү чулуу мод шидэж, олон нийтийн эзэмшлийг сүйтгэж байгаа жагсагчдыг нулимс асгаруулагч болон даралтта ус ашиглан тараажээ. Дарис хотод 223 жагсагч үймээн дэгдээсэн, цагдаа нар луу халдсан хэргээр баривчлагдсан байна. Харин Парисаас бусад хотын жагсагчдын хувьд харьцангуй тайван байсан бөгөөд нийслэл хот болон орон нутгийнхны хооронд эд хөрөнгийн ялгаа их байгаад сэтгэл дундуур байгаагаа илэрхийлж байсан гэнэ.

Өчигдрийн жагсаалд улс орон даяар нийт 60 гаруй мянган хүн оролцсон нь өнгөрсөн долоо хоногийнхоос 20 хувиар буурчээ.

Тус улсын ерөнхийлөгч Эмануэль Макроны хувьд үүсээд байгаа нөхцөл байдлыг намжааж, асуудлыг шийдвэрлэхийн тулд ард иргэдийн санал маш чухал байгааг мэдэгдээд улс орон даяар бүх нийтийн хэлэлцүүлэг зохион байгуулж байгаа билээ.

Эх сурвалж:REUTERS

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ