УИХ-ЫН ДАРГА М.ЭНХБОЛДЫГ ОГЦРУУЛАХ АСУУДАЛ ЭНЭ ДОЛОО ХОНОГТ ШИЙДЭГДЭХ ҮҮ?

50556472_382143109269228_3191358591546163200_n.png УИХ-ЫН ДАРГА М.ЭНХБОЛДЫГ ОГЦРУУЛАХ АСУУДАЛ ЭНЭ ДОЛОО ХОНОГТ ШИЙДЭГДЭХ ҮҮ?

УИХ-ын дарга М.Энхболдыг огцруулах операц сүүлийн хоёр сар үргэлжиллээ. Энэ хугацаанд Ерөнхийлөгчийн зүгээс УИХ-ын дэгийн тухай болон УИХ-ын тухай хуульд өөрчлөлт оруулах хуулийн төслийг санаачилж УИХ-аар баталсан билээ.

Тус хууль энэ баасан гарагаас хэрэгжиж эхлэх юмТодруулбал, өнгөрсөн 7 хоногийн баасан гарагт буюу 2019 оны 01 сарын 18 өдөр батлагдсан тус хууль 7 хоногийн дараа буюу 2019 оны 01 сарын 25 өдрөөс хүчин төгөлдөр мөрдөгдөнө.

Тэгвэл хууль хэрэгжиж эхлэх эхний өдрөөс эхлэн уг хуулийн заалтыг мөрдүүлэхээр УИХ-ын гишүүн Л.Оюун-Эрдэнэ нар УИХ-ын дарга М.Энхболдыг огцруулах тогтоолын төслийг УИХ-д өргөн барихаар зэхэж байна.

Энэ тухайгаа тэд өчигдөр хэвлэл мэдээллийнхэнд танилцуулсан. Улмаар өнөөдрийн байдлаар 39 гишүүн  УИХ-ын дарга М.Энхболдыг огцруулах нь зүйтэй хэмээн гарын үсэг зуржээ.

Тиймээс маргааш өглөөны мандахын нарнаар УИХ-ын дарга М.Энхболдыг огцруулах тогтоолын төслийг УИХ-ын гишүүн Л.Оюун-Эрдэнэ нар өргөн барихаар зэхжээ. Мөн тухай өдөртөө багтаан Төрийн байгуулалтын байнгийн хороог хуралдуулж чуулганд оруулж ирэх санал гаргах ажээ.

Ийнхүү УИХ-ын гишүүдийн удтал хүлээсэн өдөр ирлээ. Харин УИХ-ын даргыг хэрхэхийг маргаашийн чуулганаар шийдэх нь ээ.

А.Тамир

АРДЧИЛАЛ.МН

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ