Ц.Нямдорж Ерөнхийлөгчиийн сонгуулийн марафон явуулахыг М.Энхболдоос шаардлаа

4pmlkfq67oq696i9spvk12tfcs.jpg Ц.Нямдорж Ерөнхийлөгчиийн сонгуулийн марафон явуулахыг М.Энхболдоос шаардлаа

2017 оны Ерөнхийлөгчийн сонгууль ойртож буйтай холбогдуулан нам, улс төрийн амьдралд өөрчлөлт, зөрчилдөөнүүд гарах болжээ. АН-ын тухайд Ерөнхийлөгчийн сонгуульд битгий хэл даргаа ч сонгож чадахгүй байна. Э.Бат-Үүл, Н.Алтанхуяг, П.Цагаан, Л.Гантөмөр, Х.Баттулга, З.Энхболд гэх зэрэг улс төрчид Ерөнхийлөгчийн сонгуульд өрсөлдөх санаа бий. Эхлээд намын дарга болох гэсэн шаардлага тавигдах юм. МАН-ын тухайд Ерөнхийлөгчийн сонгуульд М.Энхболд өрсөлдөнө гэсэн эртний тохироо бий. УИХ-ын дарга М.Энхболдыг Ерөнхийлөгч болонгуут У.Хүрэлсүх МАН-ын дарга болоод Ерөнхий сайдаа авна гэсэн тохироо байгаа юм. Дуулгавартай Ж.Эрдэнэбатыг Ерөнхий сайдыг түр орлон гүйцэтгэгч гэж ойлгож болно. Хамгийн сонирхолтой нь 2017 оны Ерөнхийлөгчийн сонгуульд эртнээс бэлдсэн М.Энхболдод Ц.Нямдорж шавар хааж эхэлжээ. Тэрээр “2017 оны Ерөнхийлөгчийн сонгуульд нэр дэвшигчид нам дотроо марафон явуулах ёстой. 220 мянган гишүүдээс нэр дэвших эрхээ авсан улс төрч Ерөнхийлөгчид нэр дэвшье” гэсэн саналыг Удирдах зөвлөлийн хурал дээрээ тавьсан байна. Түүний энэ саналыг Ө.Энхтүвшин, Ж.Энхбаяр, Д.Оюунхорол, Д.Сарангэрэл, Б.Чойжилсүрэн, Ч.Хүрэлбаатар нар илэрхий дэмжиж байгаа юм. Хэрвээ нам дотроо Ерөнхийлөгчийн марафон явуулах аваас Ц.Нямдорж ялах магадлал бий. Нөгөөтэйгүүр Ц.Нямдоржийн яриад буй Эрдэнэтийн асуудал М.Энхболдын сул тал болоод байгаа учраас довтлож эхэлжээ. Түүний хувьд алдах зүйлгүй бөгөөд довтолгооноо идэвхжүүлэх тусам намын дарга болох, цаашлаад Ерөнхийлөгчид нэр дэвших шанс гарч ирнэ. Үүнийг тооцоолсон бизнесменүүд Ц.Нямдоржийн талд бооцоо тавиад эхэлсэн байна.

Мэдээ таалагдсан бол лайк дарна уу:

СЭТГЭГДЭЛ (1)

by 2016-10-08

М.Энхболд айгаагуй бол марафон явуул

ШИНЭ МЭДЭЭ