ЕРӨНХИЙ САЙД ХОТЫН ДАРГЫГ БАТЛАМЖЛАХ ЭСЭХ САНАЛАА ГАРГААГҮЙ

50551800_533460757138491_7387599381278490624_n.png ЕРӨНХИЙ САЙД ХОТЫН ДАРГЫГ БАТЛАМЖЛАХ ЭСЭХ САНАЛАА ГАРГААГҮЙ

Өнгөрсөн долоо хоногийн Лхагва гаригт НИТХ-ын ээлжит бус VI хуралдаан болж, хуралдаанд оролцсон төлөөлөгчдийн 55.8 хувийн саналаар НИТХ-ын төлөөлөгч С.Мөнхчулууныг нийслэлийн Засаг дарга бөгөөд Улаанбаатар хотын захирагчаар дэмжсэн. Улмаар НИТХ-ын санал хураалтын дүнг  Ерөнхий сайдад хүргүүлээд байсан юм.

Тиймээс Ерөнхий сайд У.Хүрэлсүх хотын даргад дэмжигдсэн НИТХ-ын төлөөлөгч С.Мөнхчулууны нэрийг батламжлах байлаа. Тэгвэл Ерөнхий сайд У.Хүрэлсүх НИТХ-ын төлөөлөгч С.Мөнхчулууны нэрийг Хотын даргаар батламжлахаас татгалзсан байна гэх мэдээллийг зарим хэвлэлүүд онцолж эхэлжээ.

Харин энэ талаар албаны эх сурвалж үгүйсгэжээ. Мөн хотын даргад дэмжигдсэн С.Мөнхчулуун ийм тайлбар өгчээ. Тэрбээр хэлэхдээ "Өчигдөр орой 19.00 цагийн үед буюу ажлын цаг дууссаны дараа гэхэд тогтоол болон санал хүргүүлэх бичигт гарын үсэг зураагүй, тамга дараагүй, дугаар аваагүй НИТХ дээр байж байсан. "Батламжлахаас татгалзлаа" гэх мэдээлэл өчигдөр өдрөөс эхлээд сошиалаар цацагдсан. Бичиг нь яваагүй байхад ийм мэдээлэл гарсан гэсэн үг. Тэгэхээр сошиалаар гарсан энэ мэдээлэл худлаа ташаа гэсэн үг. Өөр эх сурвалжийн мэдээллийг би хэлж мэдэхгүй байна. Миний мэдэж буйгаар 16-ны тогтоолд он сар тавигдаагүй, уламжлах бичигт гарын үсэг зураагүй, он саргүй байсан" гэжээ.

АРДЧИЛАЛ.МН

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ