Л.ОЮУН-ЭРДЭНЭ: МОНГОЛ ХИЛЭГНЭЖ ДАХИН СЭРЖ БАЙНА

oyuka.jpg Л.ОЮУН-ЭРДЭНЭ: МОНГОЛ ХИЛЭГНЭЖ ДАХИН СЭРЖ БАЙНА

Сүхбаатарын талбайд товлогдсон УИХ-ын дарга М.Энхболдыг албан тушаалаас огцрохыг шаардсан “МАНАН дэглэмийн эсрэг Монгол түмний нэгдэл" эсэргүүцлийн тайван жагсаал эхэллээ. Тэд УИХ-ын дарга М.Энхболдыг албан тушаалаа хүлээлгэж өгөхөөс нааш тэмцлээ үргэлжлүүлнэ гэдгээ мэдэгдээд байгаа юм.

УИХ-ийн гишүүн Л.Оюун-Эрдэнэ: Монгол хилэгнэж бас дахин сэрж байна. Бид газар нутгийнхаа бүрэн бүтэн байдлын төлөө, байгалийн баялгийнхаа эзэн байхын төлөө шударга төрт ёс, авилгагүй нийгмийн төлөө, МАНАН дэглэмийн энэ цагийн төлөөлөгч М.Энхболдыг огцрохыг шаардан хоёр дахь удаагаа хуран цуглаад байна. Бидний эхний жагсаалыг олон улсын хэвлэл мэдээллийн байгууллагууд 1990 оноос хойших 2 дахь түүхэн жагсаал болсон гэж тодотгосон. Үүнээс МАНАН дэглэм үүрээ эвдүүлсэн шоргоолж мэт сандран гүйлдэж байгааг та бүхэн ажиглаж байгаа биз ээ. 60 тэрбумын хэргийг эвлүүлэг гэж гүрийгээд одоо үнэн гэж хэлээд үнэнд гүйцэгдэж байгаа шиг огт огцрохгүй гэж байсан УИХ-ын дарга маань өөрийгөө огцруулах хуулин дээр кноп дарахад хүрлээ. Энэ бол бидний хамтын ялалт байлаа. Өнөөдөр бид улам олуулаа болсоор байна. Урсдаггүй ус ширгэдэг, тэмцдэггүй ард түмэн мөхдөг гэдэг үг байдаг. Монголчууд бид тайван замаар тамхины иш ч хаялгүйгээр тайван замаар үгээ хэлж чаддаг тэмцэгчид болж үндсэн эрхээ олж авч чадаж байна. Тийм ээ бид дахин сэрж, мөн хилэгнэн уурсаж байна. Шүд зуун тэвчсэн Монголчууд шударга ёсны хувьсгал хийхээр дахин сэрж байна. Шударга ёсны галт тэрэг айсуй. Сэрсэн Монголыг одоо юу ч зогсоож чадахгүй гэдгийг задарсан авилгач дарга нар одоо ойлгох цаг болжээ. Өнөөдөр та бид энэхүү авилгын гав гинжийг таслахаар, хувьсгалт өөрчлөлтийн түүхэн гэрч болохоор хамтдаа цуглаад байна. Өнөөдөр та бид төр улстай нь, нам эвсэлтэй нь, орд баялагтай нь, чөлөөт хэвлэлтэй нь, хууль хяналттай нь, шүүх засаглалтай нь барьцаалж иргэдийг нь зээлээр, баялаг бүтээгчдийг нь айдсаар, төрийг нь авилгаар гинжилсэн МАНАН дэглэмийг нураахаар хуран цуглаад байна. Энэ дэглэмийн хамгийн сүүлчийн албан тушаалтан М.Энхболдыг бид огцруулсан цагт дараа дараагийн олон авилгач гүзээгээ даахгүй олон дарга нар ард түмэн цуглахаас айж шударга ажиллах болно. Бас шударга ажиллах Монголын төрд хэзээ ч ойртохгүй болгох тэмцлийг өнөөдөр бид эхлүүлж байна. 

Энэ цаг хугацааны эзэн болж Монгол улсын төлөө энэ цаг хугацааны залуучууд, энэ цаг хугацааны ахмадууд, энэ цаг хугацааны Монголчууд та шатахгүй, би шатахгүй, бид шатахгүй юм бол өөр хэн шатах юм бэ? Монгол улс мандан бадарч Азидаа төдийгүй дэлхийд тэргүүлэгч Азийн их хүлэг улс болохын сайхан ерөөлийг өргөн дэвшүүлье ээ. Хүрэлцэн ирсэн та бүхэндээ маш их баярлалаа. 

 

Image may contain: one or more people, crowd, skyscraper and outdoor

 

 

 

 

 

Б.Болор

Эх сурвалж: Factnews.mn

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ