Ж.БАТЗАНДАН: МАНАН-ГИЙН АМБАНГ МАНЖИЙН АМБАН ШИГ УНАГАНА

5c32cfda178639.19628826.jpg Ж.БАТЗАНДАН: МАНАН-ГИЙН АМБАНГ МАНЖИЙН АМБАН ШИГ УНАГАНА

Өнөөдөр УИХ-ын гишүүн Ж.Батзандан, Л.Болд, Л.Оюун-Эрдэнэ, Т.Аюурсайхан нар Төрийн ордонд мэдээлэл хийлээ.

Энэ үеэр УИХ-ын гишүүн Ж.Батзандан хэлэхдээ “М.Энхболдыг огцруулаад шударга ёс тогтох уу гэж асууж байна. Та нар түүх сөхөөд үзээрэй. Манжийн дарлалыг халахын тулд хамгийн түрүүн Улиастай, Ховдод байсан Манж амбанг хөөн зайлуулж, хүчээр гаргасан юм. Ингэж байж бид эрх чөлөөт Монгол улсдаа амьдарсан юм.

Яг түүн шиг М.Энхболдыг зайлуулж байж МАНАН-гийн дэглэм устана. Аливаа өөрчлөлт хувьсгалыг нураахын тулд хамгийн түрүүнд толгойлогчийг нь буулгаж авдаг юм. Монгочлуудаа 2019 оны нэгдүгээр сарын 10-нд шударга ёсны төлөө бүх нийтээрээ эсэргүүцлийн тэмцэл өрнүүлье. Бид чадна. Ганцхан М.Энхболдыг л унагачихвал ялалтад хүрэх гээд байна” гэсэн юм.

Харин УИХ-ын гишүүн Л.Болд хэлэхдээ “М.Энхболдыг нэн даруй зайлуулж гэмээ нь 10 жил гацсан хуулийг батлуулах болно. М.Энхболдыг огцорсоны дараа шинэ даргыг нэн даруй томилох болно. 2018 оны 12 сарын 27-ний жагсаалыг дэлхий нийт гайхсан. Маш сайн гэж онцолсон” гэсэн юм.

Ийнхүү энэ сарын 10-ны өдөр буюу энэ "Пүрэв" гаригт УИХ-ын гишүүдийн эхлүүлсэн жагсаалыг дахин хийхээр төлөвлөж байгаагаа тэд дуулгалаа. Тэдний энэхүү тэмцэлд 100 гаруй төрийн бус байгууллагууд нэгдэн оролцохоо мэдэгджээ.

А.Төмөр

АРДЧИЛАЛ.МН

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ