Амараа ард түмнийхээ төлөө шүдэнз зурав уу, ах дүү нарынхаа төлөө зурав уу?

b26f26b2bg2f.jpg Амараа ард түмнийхээ төлөө шүдэнз зурав уу, ах дүү нарынхаа төлөө зурав уу?

Ардын намынхан ашгүй нэг төрийн эрхийг авлаа гэсэн шиг албан тушаалд ах дүү, хамаатан саднаа шуурхай томилж байна. Уг нь өөрсдөө “Төрийн байгууллагыг удирдаж байгаа хүмүүс ах дүү, хамаатан саднаа ажилд авахыг хориглоно” гэж мөрийн хөтөлбөртөө тусгасан санагдаж байна.

УИХ-ын дарга, МАН-ын дарга М.Энхболдын хүү Э.Анар Монголбанкны төлбөр тооцоо, бүртгэлийн газрын захирлаар томилогдлоо. УИХ-ын гишүүн Д.Лүндээжанцан төрсөн дүү Д.Баярсайханаа Төрийн банкны гүйцэтгэх захирал болгов. С.Батболдын хүү Б.Баттүшиг Монголбанкны мөнгөний бодлогын зөвлөлийн гишүүнээр томилогдлоо. УИХ-ын гишүүн Сү.Батболд эхнэр Х.Отгонтуяагийн дүү, туслах Б.Асралт Засгийн газрын энэ сарын 10-ны өдрийн хуралдаанаар Гаалийн Ерөнхий газрын даргаар томилогдсон. Ж.Мөнхбат найз Д.Ариунболдыгоо "Эрдэнэс Таван толгой" ХК-ийн гүйцэтгэх захирал болгов. Н.Энхболдын худ А.Цогцэцэг эрүүл мэндийн сайдаар ажиллаж байна. УИХ-ын гишүүн Б.Саранчимэгийн нөхөр Мөнхбаатар "Чингис хаан" олон улсын нисэх буудлын дарга болов. Сангийн яамны сайд асан Я.Очирхүүгийн хүү О.Эрдэмбилэг Монголбанкны тэргүүн дэд ерөнхийлөгч болов. Монгол Улсын Шадар сайд У.Хүрэлсүхийн төрсөн дүү У.Отгонбаяр БХБЯ-ны газрын дарга боллоо. УИХ-ын дэд дарга Ц.Нямдоржийн хүү Н.Анхбаяр Гадаад харилцааны яамны ТЗУГ-ын дарга болов. ХЗДХ-гийн сайд С.Бямбацогтын төрсөн дүү С.Тунгалагтамир ХНХ яамны газрын дарга болов.

Мөн Боловсрол Соёл, шинжлэх ухаан, спортын яамны Төрийн нарийн бичгийн даргад жүжигчин Б.Амарсайханы эгч Б.Баярсайхан, Эрчим хүчний яамны Төрийн нарийн бичгийн даргад УИХ-ын гишүүн Ц.Цогзолмаагийн нөхөр Ч.Саранжав нар болсон.

жүжигчин Амараагийн эгч зурган илэрцүүд

2016 оны УИХ-ын сонгуульд МАН үнэмлэхүй ялалт байгуулахад жүжигчин Б.Амарсайханы гавьяа багагүй байсан. Түүний “Би юу хийчих вэ”, “Та нар юу хийчих вэ” гэх цуврал ведио, "шторк" МАН-ыг ялалтад хүргэхэд гол түлхэц үзүүлсэн гэдэгт өдгөө олон хүн санал нэгтэх байх. Түүний тухайд инженер Н.Нацагнямын хамтаар МАН-ын сонгуулийн сурталчилгаанд идэвхитэй явсан ч нийгэмд шуугиан тарьсан хоёр бичлэгээ “Ямар нэгэн намын захиалгаар бус өөрийн хүсэл зорилгоор хийсэн” гэдгээ удаа дараа мэдэгдэж байсан билээ. Тэгвэл Б.Амарсайханыг нийслэлийн Соёл урлагын газрын даргаар томилогдох нь гэх мэдээлэл цацагдаж байсан ч тэрбээр өөрөө бус эгчийгээ зөөлөн суудал руу зүтгүүлжээ. Тиймээс ч Амараагийн эгч Б.Баярсайхан Боловсрол Соёл, шинжлэх ухаан, спортын яамны Төрийн нарийн бичгийн даргын суудалд тухлах нь гарцаагүй байсан.

Ийнхүү МАН-ынхан төрийн албыг төрлийн алба болгосонд олон нийт шүүмжлэлтэй хандаж байна. Энэ бол эхлэл. Цаашид ч томилгоо үргэлжлэх нь ойлгомжтой.

 

Эх сурвалж:www.dorgio.mn

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ