ХАМГИЙН ГЭГЭЭЛЭГ БАЯР ЗУЛ САРЫН БАЯР

Esplanade-Zagreb-Hotel-bozicna-predstava-1_2048-500x250.jpg ХАМГИЙН ГЭГЭЭЛЭГ БАЯР ЗУЛ САРЫН БАЯР

Арванхоёрдугаар сарын 25-ны энэ өдрийг зул сарын баяр хэмээн Христийн шашинтай улс орнуудад тэмдэглэн өнгөрүүлдэг уламжлалтай. 2000 жилийн тэртэйгээс тэмдэглэн ирсэн энэхүү баярыг улс орон бүр өөр өөрийн уламжлал хэв маягаар тэмдэглэдэг хэдий ч гацуур мод, шинэхэн цас, Санта Клаусгүйгээр төсөөлөхийн аргагүй. Энэхүү баярыг орчин үед зөвхөн Христийн шашинтай улс орнууд төдийгүй дэлхийн ихэнх улсуудад өргөн дэлгэр тэмдэглэх болсон соёлын шинжтэй түгэж буй баяр юм.

Зул сарын  баярыг хамгийн гэгээлэг, баяр хэмээн үзэж болох юм. Улаан өмсгөл, цагаан сахал, хөгжилтэй царайтай өвгөн Зул сарын баярын өмнөх шөнө цаа буга хөлөглөн  хойд туйлаас чаргаараа нисэн ирж ид шидийн улаан уутнаасаа бэлэг тараадаг гэдэгт олон орны хүүхдүүд итгэн хүлээдэг. Энэ бол зул сарын баярын гол утга учир бөгөөд үүнийг дэлхийн улс орны хүүхэд бүр ид шидийн баяр хэмээн итгэн хүлээдэг.

Чимэглэн зассан гацуур модонд хүүхдүүд хүслээ шивнэн өлгөхөд Санта клаус яндангаар орж ирэн хүссэн бэлгийг оймсонд хийдэг хэмээн итгүүлэн эцэг эх нь хүүхдүүдээ хүссэн бэлгийг нь авч өгч баярлуулдаг учир гэгээлэг хэмээн үзэж байгаа юм.

Энэ баярын гол бэлэгдэл нь улаан өнгө бөгөөд баярын үеэр хүмүүс бие биетэйгээ “Merry Christmas” буюу “Христийн мэндэлсэн өдрийн мэнд хүргэе” гэх үгийг хэлж мэндчилдэг. Энэ баярыг  уламжлал болгон тэмдэглэж ирсэн улс орнууд сүмд очин мөргөл үйлдэн зул сарын өмнөх орой гэр бүлээрээ оройн зоог барьдаг байна. Ихэнх улсад энэ үдшийн гол зоог нь цацагт хяруул байдаг гэнэ.

Зул сарын баярын мөн чанарыг мэдрүүлэх доорх 5 киног үзэн зул сарын ид шидийг мэдрээрэй.

Санта Клаус

Энэ кино нь Санта Клаус гэж хэн бэ? гэх асуултанд хариулах кино юм. Скотт Калвин гэх тоглоомын компанид ажилладаг залуу хүү Чарлитайгаа зул сарын өмнөх оройг хамт өнгөрөөж байхад  шөнө дээвэр дээр дуу чимээ гарна. Хүү аавтайгаа гарч харвал Сантатай адил хувцас өмссөн эр дээвэр дээрээс унаж бие нь алга болж хувцас нь үлдэнэ. Скотт “Миний хувцсыг аваад, юу хийхээ мэдэх болно” гэж бичсэн картаа олж авах бөгөөд үүнээс хойш түүний амьдрал бүрэн өөрчлөгдөж тэрээр санта болон хувирсанаар киноны үйл явдал өрнөдөг.

Kinood-н зураг. 

Гэртээ ганцаараа

Жил бүрийн шинэ жилийг “Гэртээ ганцаараа” киногүйгээр төсөөлөхийн аргагүй байдаг. Кевин хүү зул сарын баяраар санамсаргүй тохиолдлоор гэртээ ганцаараа үлдэж, гэрт нь орохоор завдсан хоёр бүтэлгүй хулгайчийг өөрийн арга ухаанаараа дийлэн гэрээ хамгаалан үлддэг. Гэртээ ганцаараа кино нь 1 2 3 ангитай хийдсэн бөгөөд зул сарын баяраар Кевин хүүд тохиолдсон адал явдлыг өгүүлнэ.

Гринч

1957 оны бичсэн Доктор Сьюзын "Гринч Зул сарыг хэрхэн хулгайлав" зохиолоос сэдэвлэн бүтээсэн "Universal Pictures" болон "Imagine Entertainment"-ын хамтын бүтээл Рон Ховард найруулан бүтээж продюсераар нь Бриан Жразер ажилжээ.  Гол дүрд нь жүжигчин Жим Керри тоглосон бөгөөд царай муутай зул сарын баярт дургүй хорлон сүйтгэгч Гринчийн тухай сонирхолтой кино юм. АНУ-ын кино чартыг дөрвөн долоо хоног тэргүүлж байсан бөгөөд бүхий л цаг үеийн дэлхийн хамгийн өндөр ашиг орлоготой, зул сарын сэдэвтэй кино бүтээлийн жагсаалтын хоёрт ордог юм.

34-р гудамжны гайхамшиг

Сантагийн тухай хамгийн алдартай кинонуудын нэг нь  34 дүгээр гудамжны гайхамшигт түүх (1947) юм. Уг кинонд мөн Санта клауст итгэдэггүй охины тухай өгүүлнэ. Бяцхан охины дүрийг хожмоо алдартай жүжигчин болсон Нэтали Вүд бүтээжээ. Кинонд охины ээж (Морин О’Хара) Санта клаусын дүрд түр зуур тоглох эрэгтэй олсон нь Крис Крингл нэрт нэгэн байх бөгөөд охинд өөрийгөө жинхэнэ Санта клаус гэж хэлнэ. Охин итгэхгүй ч олон хэлээр ярьдаг эрэгтэйн чадваруудыг өөрийн нүдээр үзсэний эцэст түүнийг жинхэнэ Санта клаус гэж итгэх болно.

Holiday Inn

1942 онд бүтээгдсэн энэхүү хөгжимт кино нь Зул сарын баяраар үзэх ёстой сонгодог киноны жагсаалтыг тэргүүлжээ. "Цагаан зул сар" буюу WHITE CHRISTMAS дуугаараа Оскарын шагнал хүртсэн бөгөөд хөгжимд дуртай гурван залуугийн хайрын түүхийг харуулдаг байна.

Жинхэнэ хайр

Найман өөр дурлалт хосын тухай өгүүлдэг энэ кино нь зул сарын халуун дулаан уур амьсгалыг өгч чадах хамгийн романтик кино юм. Ричард Куртисын найруулж киноны гол дүрд Алан Рикман, Эмма Томпсон, Кейра Найтли, Хью Грант, Колин Фёрт зэрэг алдартнууд тоглосон билээ.

Б.Бадралмаа

АРДЧИЛАЛ.МН

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ