"ЕРӨНХИЙЛӨГЧИЙН ЦОМ" БАРИЛДААН "БУЯНТ-УХАА" ЦОГЦОЛБОРТ БОЛНО

26000955_2250416578518159_3364855193573316288_n.jpg "ЕРӨНХИЙЛӨГЧИЙН ЦОМ" БАРИЛДААН "БУЯНТ-УХАА" ЦОГЦОЛБОРТ БОЛНО

Жил бүрийн 12-р сарын 29-ны өдөр болдог Монгол Улсын Ерөнхийлөгчийн цомын нэрэмжит чансаа өндөр бөхийн барилдаан "Буянт-Ухаа" спорт цогцолборт болно. Энэхүү  барилдааныг бөх сонирхогчид, үзэгчид "Монгол Бөхийн өргөө"-нд болно хэмээн тооцоолж байсан. Гэсэн хэдий ч  "Бөхийн Өргөө"-нд барилдаан зохион байгуулах боломжгүй болжээ. 

Учир нь "Бөхийн өргөө"-г прокурорын шийдвэрээр БЗД-ийн цагдаагийн хоёрдугаар хэлтсээс битүүмжлэн, үйл ажиллагаа явуулахыг хориглоод байгаа. Тиймээс эв зүйгээ олсон талууд прокурорт хүсэлт гаргаж, прокурор хүсэлтийг хүлээн авсан цагт "Бөхийн өргөө"г нээх боломжтой юм байна. Прокуророос нээх шийдвэр гараагүй цагт "Бөхийн өргөө" битүүмжлэгдсэн хэвээрээ байх юм байна. 

Тиймээс "Бөхийн өргөө" нээгдээгүй байгаа тул Ерөнхийлөгчийн Тамгын Газар Ерөнхийлөгчийн цомын нэрэмжит чансаа өндөр 128 бөхийн барилдааныг Буянт-Ухаад зохион байгуулахаар шийдвэрлэсэн байна.

Дашрамд дуулгахад өнгөрсөн жил уг цомын эзнээр Увс аймгийн Тэс сумын уугуул, Монгол Улсын харцага Т.Баасанхүү тодорч байжээ.

А.Төмөр

АРДЧИЛАЛ.МН

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ