БОКСЧИН М.НАНДИНЦЭЦЭГ “БӨРТЭ ЧОНО 2018” ШАГНАЛЫН “ШИЛДГИЙН ШИЛДЭГ ТАМИРЧИН”-ГААР ТОДОРЛОО

5c1db72f0438d.jpeg БОКСЧИН М.НАНДИНЦЭЦЭГ “БӨРТЭ ЧОНО 2018” ШАГНАЛЫН “ШИЛДГИЙН ШИЛДЭГ ТАМИРЧИН”-ГААР ТОДОРЛОО

Өчигдөр /2018.12.21/ үдэш Соёлын төв өргөөнд Монголын үндэсний олимпийн хорооны тэргүүн дээд “Бөртэ Чоно” шагнал гардуулах ёслол болж “Бөртэ Чоно-2018”-ын “Шилдгийн шилдэг тамирчин”-аар Монгол Улсын 11 удаагийн аварга боксчин, ОУХМ М.Нандинцэцэг 2018 оны Дэлхийн аварга шалгаруулах тэмцээнээс Монголын анхны эмэгтэй боксчин медаль хүртсэн амжилтаараа тодорлоо.

Жил бүр спортын салбарын шилдгүүдийг тодруулдаг энэхүү ёслол нь тухайн оны “Шилдгийн шилдэг тамирчин”, “Шилдгийн шилдэг дасгалжуулагч” шилдэг баг, шилдэг тамирчин, шилдэг дасгалжуулагч болон шилдэг спортын холбооны ерөнхийлөгч, шилдэг спортын холбооны Ерөнхий нарийн бичгийн дарга, спорт холбоод, олимпийн зөвлөлийг тодруулдаг уламжлалтай.

Энэ жилийн хувьд манай тамирчид тив, дэлхийн болон олон улсын хэмжээний томоохон тэмцээнүүдэд тогтмол амжилттай оролцсон учраас шилдгийн шилдгүүдийн шалгаруулалт тун ч өрсөлдөөнтэй болов. 

Мөн “Жакарта-Палембан-2018” Азийн 18 дугаар наадмын алтан медальт Э.Цэндбаатар /бокс/ тус наадмын мөнгөн медальт Ө.Дүүрэнбаяр /жүдо бөх/ нар 2018 оны “Шилдэг эрэгтэй тамирчин”  болсон бол 2018 оны “Шилдгийн шилдэг эрэгтэй тамирчин”-гаар Л.Отгонбаатар /жүдо бөх/ тодорлоо.

Монгол Улсын гавьяат тамирчин О.Насанбурмаа /чөлөөт бөх/ДАШТ-ий дөрөв дэх медаль болох 2018 оны ДАШТ-ий мөнгөн медаль хүртсэн амжилтаараа, “Жакарта-Палембан-2018” Азийн 18 дугаар наадмын алт, хүрэл медаль  хүртсэн амжилтаараа ОУХМ Г.Нандинзаяа /буудлага/ нар 2018 оны “‪Шилдэг эмэгтэй тамирчин” шагналын эзэд боллоо.

Харин 2018 оны “Шилдэг баг”-аар Монголын мөсний хоккейн шигшээ баг “Азийн цомын тэмцээн-2018” /Asian challenge cup-2018/-д түрүүлж алтан медаль, аваргын цомын эзэд болсон амжилтаараа магнайлав.

Энэ оны “Шилдгийн шилдэг дасгалжуулагч”-аар МУГД Ц.Баярсайхан /чөлөөт бөх/, Ж.Ганхуяг /буудлага/ нар тодорсон бол “Шилдэг дасгалжуулагч”-аар С.Эрдэнэ-Очир/хөлбөмбөг,футзал/, А.Мэргэн/мөсний хоккей/ нар тус тус тодорсон. 

Монголын байт харвааны холбооны Ерөнхийлөгч П.Цагаан “Шилдэг Ерөнхийлөгч”-өөр тодорч “Бөртэ чоно” шагнал хүртлээ. Спорт холбоодын “Шилдэг Ерөнхий нарийн бичгийн дарга”-аар Монголын боксын холбооны Ерөнхий нарийн бичгийн дарга Ц.Батнасан “Бөртэ чоно” шагналын эзэн болсон юм. 

 

"Бөртэ чоно" шагналтнууд:

Олимпийн зөвлөл: Баянзүрх дүүрэг “Нагано” олимпийн зөвлөл

Арга зүйч: Ж.Даваасүрэн – ХХЕГ-ын харьяа “Хилчин” олимпийн зөвлөлийн арга зүйч

Сэтгүүлч: С.Шижирбат “ETV” телевизийн спортын сэтгүүлч

Клуб: Хөлбөмбөгийн “Эрчим” клуб

Шүүгч: жүдо бөхийн шүүгч Т.Энхцэцэг

Менежменттэй холбоо: Уулчдын холбоо, Пауэрлифтингийн холбоо

Бүтээн байгуулалттай холбоо: Байт харвааны холбоо

Хөрөнгө оруулалттай холбоо: Хөнгөн атлетикийн холбоо

Олимпийн бус холбоо: Шатар болон самбо бөхийн холбоо

Олимпийн төрөл: Гимнастик болон жүдо бөхийн холбоо

Ерөнхийлөгч: Байт харвааны холбооны ерөнхийлөгч П.Цагаан

Ерөнхий нарийн бичгийн дарга: Ц.Батнасан /бокс/

Залуу тамирчин: Л.Сосорбарам /жүдо бөх/

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ