Шар айрагнаас болж дүүгээ хөнөөсөн эрийн ялыг хэвээр үлдээв

xzd.jpg Шар айрагнаас болж дүүгээ хөнөөсөн эрийн ялыг хэвээр үлдээв

Хөргөгчинд байсан шар айргийг нь уусны төлөө үеэл дүүгийнхээ аминд хүрсэн гэх Л-д Баянзүрх, Сүхбаатар, Чингэлтэй дүүргийн эрүүгийн хэргийн анхан шатны шүүхээс 16 жилийн ял оноосон билээ.

Түүнийг танхайн сэдлээр, онц харгис хэрцгий аргаар бусдыг санаатай алсан гэм буруутайд тооцсон байдаг. Гэвч шүүгдэгч Л анхан шатны шүүхийн шийдвэрийг үндэслэлгүй хэмээн давж заалдах шатны шүүхэд гомдол гаргаснаар 9-р сарын 22-нд хэргийн шүүх хурал болжээ. Гэхдээ түүнд оноосон 16 жилийн ялыг хэвээр үлдээсэн байна.

СБД-ийн 11-р хороонд оршин суух Л нь өнгөрөгч 2015 оны 11-р сарын 11-ний өдөр  гэрийнхээ үүдний амбаарт өөрийн үеэл дүү болох С-ыг хөргөгчинд байсан шар айраг авч уулаа хэмээн маргалдаж, цээжин тус газар нь гурван удаа хутгалж амь насыг нь хөнөөсөн байдаг.

Тэрбээр анхан шатны шүүх хурлын үеэр мэдүүлэхдээ “Үеэл дүүгээ айлд амьдарч байж хүний юм дураараа авлаа хэмээн шаардлага тавихад босч ирээд цохиж авсан. Сандрахдаа ширээн дээр байсан хутгийг шүүрч аваад амбаарт гарахад араас С гарч ирсэн, нэг мэдэхэд хутгалсан байсан. Хэрэг нэг минутын дотор л болсон. Тэгэхэд дүүгээ хутгалсан гэдгээ мэдсэн” хэмээсэн байдаг.

Эх сурвалж www.wikimon.mn

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ