О.МАГНАЙ: Ж.БАТЗАНДАН МИНИЙ НАЙЗ, ГЭХДЭЭ НАМАЙГ МАШ ИХ ЭМЗЭГЛҮҮЛСЭН

giPzTpmwCLbxVcUMIO_Magnai__2_.jpg О.МАГНАЙ: Ж.БАТЗАНДАН МИНИЙ НАЙЗ, ГЭХДЭЭ НАМАЙГ МАШ ИХ ЭМЗЭГЛҮҮЛСЭН

Сүүлийн үед нам жим байсан О.Магнай хэвлэлд ярилцлага өгчээ. Тэрбээр ШӨХТГ-ын даргын үүрэгт ажлаасаа өөрийн хүслээр чөлөөлөгдсөнөөс хойш хэвлэл мэдээлэлд тийм олон өртөөгүй юм. Түүний хувьд АН-ын нарийн бичгийн даргын үүрэгт ажлыг эрхэлж байгаа билээ.

О.Магнайгийн хувьд АН-ын гишүүнчлэлээс дөрвөн жилийн хугацаатай хасагдсан Ж.Батзандантай хоршиж Монголын улс төрд хөл тавьсан байдаг. Гэвч нэгэн зэрэг хөл нийлүүлэн алхаж явсан нөхрийнхөө талаар тэрбээр ийн ярьжээ.

Тэрбээр хэвлэлд өгсөн ярилцлагадаа “Ер нь бол намаас хэнийг ч хөөгөөгүй. АН-ын дүрэмд хүнийг хөөх заалт байхгүй. Л.Болд, Д.Мурат гишүүнийг  дөрвөн жил нэр дэвших эрхээс нь түдгэлзүүлсэн. Харин УИХ-ын гишүүн Ж.Батзанданыг дөрвөн жил намын гишүүнээс түр түдгэлзүүлсэн. Ийм л шийдвэр гарсан. Үүнийг намын гишүүнээс нь хөөсөн мэтээр ойлгож болохгүй.

Ж.Батзандан миний найз хэвээрээ. Гэвч МАН-ын Засгийн газрыг хамгаалж кноп дарсан нь намайг маш их эмзэглүүлсэн, нуугаад яах вэ. Ж.Батзанданаас би ийм үйлдэл хүлээгээгүй. Улс төр гэдэг зарчимтай байх ёстой. Гэвч өөрийнхөө үйлдэл бүрийг МАНАН-гийн эсрэг гээд У.Хүрэлсүхийн Засгийн газрыг хамгаалаад байж болохгүй. Аливаа зүйлд зарчим гэж бий. У.Хүрэлсүхийн Засгийн газарт зайлшгүй хариуцлага тооцох ёстой байсан.

Монголын улс төрийн намуудад байгаагүй шинэчлэлийг АН эхлүүлсэн. Өөрөөр хэлбэл, намын дарга гэлтгүй аймаг, дүүргийн бүхий л шатны намын дарга гишүүдээсээ сонгогддог болсон. Өмнө нь Үндэсний зөвлөлдөх хорооны 300 хүний хүрээнд намын даргаа сонгодог, улмаар энэ нь эргээд  гишүүдийнхээ дунд асуудал  дагуулдаг байсан явдлыг шинэчлэлийн үр дүнд бид халсан. Мөн өнөөдөр АН фракцгүй нам болсон. Энэ бүхэн яах аргагүй  шинэчлэлийн үр дүн.

Шүүмжлэл гэдэг өөрөө ардчилал. Угаасаа С.Эрдэнэ дарга дарангуйлагч биш учраас  магтуулах албагүй шүү дээ. Дарангуйлагч нар л магтуулдаг. Ардчилсан нийгэмд удирдагч болгон мөн нийгмийн өмнө байгаа улстөрч болгон дандаа шүүмжлүүлдэг. Магтуулдаг улстөрч гэж хэзээ ч байдаггүй. Өнөөдөр АНУ-ын 41 дэх Ерөнхийлөгч асныг нас барсных нь дараа л магтаж байгаа биз дээ. Түүнээс өмнө дайн хийсэн гэж байнга л шүүмжилсэн. Шүүмжлэл бол ардчиллын өөрийнх нь үзүүлдэг эффект нь. Тэгэхээр шүүмжлэлд  эмзэглээд, айж ичээд байх зүйлгүй. Ардчиллын эрүүл үзэгдэл” хэмээжээ.

А.Төмөр

АРДЧИЛАЛ.МН

 

Мэдээ таалагдсан бол лайк дарна уу:

СЭТГЭГДЭЛ (1)

by 2018-12-05

2 нүүдлийн дараахь нүүдлийг харж чаддаг байж дүгнэлт хийж байх хэрэгтэй шүү. Батзандан Болд Мурат нар зөв шийдвэр гаргасан юм шүү дээ

ШИНЭ МЭДЭЭ