ТӨБЗГ-ЫН ДАРГАД ХЭН ХЭНИЙ НЭР ЯРИГДАВ

163356_copy.jpg ТӨБЗГ-ЫН ДАРГАД ХЭН ХЭНИЙ НЭР ЯРИГДАВ

ЖДҮ-ийн зээлээс болж МАН-ын нилээд хэдэн албан тушаалтнууд ажлаа өгсөн. Түүний нэг нь ТӨБЗГ-ын дарга Ц.Ням-Осор байлаа. Тэрбээр өөрийн эзэмшлийн “Хос эрхэс” ХХК 500 сая төгрөгийн зээл авсан шалтгаанаар үүрэгт ажлаасаа чөлөөлөгдсөн юм.

Гэтэл түүний хоосон суудалд залрах дараагийн эрхэм хэн байх вэ гэдэг асуудал энэ цаг үед ид яригдаж байна. Зарим эх сурвалжуудын мэдээлж байгаагаар тус газрын даргад ХЗДХ-ийн сайд Ц.Нямдорж ойрын хүнээ зүтгүүлж байгаа гэх.

Тодруулбал Ц.Нямдорж сайд, Увс аймгийн гаралтай Х.Балсандоржийг ТӨБЗГ-ын даргад зүтгүүлэхийн сацуу АТГ-т материалыг нь хянуулахаар илгээлгэж амжсан гэх мэдээлэл ч байна.  

Харин Ц.Нямдорж сайдын зүтгүүлж буй Х.Балсандорж нь 2000-2004 онд УИХ-ын гишүүнээр сонгогдон ажиллаж байсан гэнэ. Тэрбээр өнгөрсөн жилүүдэд “Багануур”, “Шивээ овоо” төрийн өмчит хувьцаат компаниудын гүйцэтгэх удирдлагаар ажиллаж байсан ажээ.

Гэв ч АТГ-ын зүгээс Х.Балсандоржийг төрийн албаны зарим шаардлагыг хангахгүй байна гэж үзсэн тухай мэдээлэл гарчээ.

Ингэснээр ТӨБЗГ-ын даргад өөр хүнийг томилуулах яриа ид яригдаж эхэлсэн байна. Эх сурвалжуудын мэдээлж байгаагаар УИХ-ын гишүүн Б.Баттөмөр тэргүүтэй Увсын нөлөө бүхий эрхмүүдийн дэмжлэгээр Монголбанкны Хууль эрхзүйн газрын захирал Б.Ганбат гэгчийг ТӨБЗГ-ын даргаар томилуулахаар АТГ-д материалыг нь хянуулж эхэлсэн сурагтай. 

ТӨБЗГ-ын даргаар томилогдохоор нэр нь яригдаж буй Б.Ганбат өмнө нь Сангийн яаманд мэргэжилтнээс  газрын даргын албан тушаалд нийт 18 жил ажилласан ажлын түүхтэй гэнэ. Тэрбээр Монголбанкны Ерөнхийлөгчөөр Н.Баяртсайханыг томилогдсоны дараа ЗГХЭГ-аас Монголбанк руу шилжин ажилласан юм байна.

А.Төмөр

АРДЧИЛАЛ.МН

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ