ЖДҮХС-ААС ЗЭЭЛ АВСАН ДАРААГИЙН ГИШҮҮНЭЭР Б.БАТТӨМӨР ТОДОРЛОО

2bac40f7800ef2d4165bd6c5c6e6bc3d_(1)_copy.jpg ЖДҮХС-ААС ЗЭЭЛ АВСАН ДАРААГИЙН ГИШҮҮНЭЭР Б.БАТТӨМӨР ТОДОРЛОО

ЖДҮХС-аас зээл авсан дараачийн гишүүнээр УИХ-ын гишүүн Б.Баттөмөр тодорлоо. Тэрбээр үнэ тогтворжуулах хөтөлбөртэй нэр нь холбогдсон асуудал нь намжаагүй байхад ЖДҮХ сангаас зээл авсан тухай мэдээлэл түгэж эхэллээ. 

Өнгөрсөн сонгуулийн үр дүнгээр Дархан-Уул аймгаас УИХ-д суусан эрхэм гишүүн тойргийн иргэддээ дэмжих бус төрсөн дүүгийнхээ удирдан явуулдаг бизнесийг өргөжүүлэхэд зориулж ЖДҮХС-аас зээл авсан байна. 

Тодруулбал, Б.Баттөмөр гишүүн өөрийнх нь эзэмшилд байдаг "Мондем" ХХК-иар дамжуулан  ЖДҮХ сангаас энэ оны 10-р сард 300,000,000  төгрөгийг зээлжээ.

УИХ-ын гишүүн Б.Баттөмөр өнгөрсөн онд мэдүүлсэн Хөрөнгө орлогын мэдүүлэгтээ "Мондем" ХХК-ийн 80 хувь хувьцаа эзэмшдэг гэж мэдүүлжээ. Түүний эзэмшлийн "Мондем" ХХК-г үүсгэн байгуулагч нь Баагаагийн Аюуш нь Б. Баттөмөр гишүүний төрсөн дүү гэнэ. Б.Аюушийн хувьд өнөөг хүртэл тус компанийн Гүйцэтгэх захирлаар ажиллаж ирсэн байна.

Мөн "Мондем" ХХК 2013-2015 оны хугацаанд ямар нэгэн үйл ажиллагаа эрхлээгүй гэж эх сурвалжууд дурьдсан байна. Харин Б.Баттөмөр гишүүнийг УИХ-д сууснаас хойш буюу 2016 оноос энэ компанийн түүх шинээр бичигдсэн бололтой юм. Дамрамд дуулгахад УИХ-ын гишүүн Б.Баттөмөрийн эзэмшилд "Тэс петролеум" шатахуун түгээх станцууд болох "Ойн Бирж" ХХК харъяалагддаг билээ.

А.Төмөр

АРДЧИЛАЛ.МН


УИХ-ын гишүүн Б. Баттөмөр өөрийн үүсгэн байгуулсан Мондем ХХК-ийн 80 хувийг эзэмшдэг болохоо Хөрөнгө орлогын мэдүүлэгтээ мэдүүлжээ. 

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ