МАН-ЫН БААСАН ДЭЭР АН ХАЛТИРЛАА

47323821_257933544888234_6186321162008526848_n.jpg МАН-ЫН БААСАН ДЭЭР АН ХАЛТИРЛАА

Ирэх өдрүүдэд АН-ын IX-р Их Хурал болно. Тус хурлын уур амьсгал нилээд ширүүн өрнөх нь тодорхой болоод байна.

Учир нь өчигдөр АН-ын Үндсэн дүрмийн хороо хуралдаж УИХ-ын гишүүн Ж.Батзандан, Л.Болд, Д.Мурат нарт улс төрийн хариуцлага тооцох шийдвэрийг гаргасан. Тодруулбал, УИХ-ын гишүүн Ж.Батзанданг АН-аас хөөх шийдвэрийг гаргаж, харин УИХ-ын гишүүн Л.Болд, Д.Мурат нарыг дөрөв хүртэлх жилийн хугацаанд сонгуульд нэр дэвших эрхийг нь хассан шийдвэрээ танилцуулсан юм.

Ингэхдээ тэднийг намын бодлогын эсрэг байж Ерөнхий сайдыг авч үлдэх санал өгч намын дүрмээ зөрчсөн гэж АН-ын удирдлагууд тайлбарлаад байгаа.

Энэ талаар АН-ын дарга С.Эрдэнэ хэлэхдээ "Бий болгосон ардчиллын үнэт зүйл рүү дайрах гэсэн уур амьсгал ноёлох байдалтай болж байна. Тийм учраас бий болсон асуудлыг зөв тийш нь оруулахын тулд тодорхой улс төрийн шийдвэр гаргасан. Аливаа улс төрийн нам өөрийн гэсэн дүрэм, журамтай. Улс орон ч гэсэн хууль дүрэмтэй байдаг. Энэ хүрээнд АН Их хурлаа хийж, Үндсэн дүрмээ баталж, Дээд шүүхэд бүртгүүлж хууль ёсны улс төрийн намын үйл ажиллагаа явуулж байна.

АН-ын Үндсэн дүрэмд заасан заалт бүрийн намын гишүүд ягштал биелүүлэх үүрэгтэй. Энэхүү дүрмээ хүлээн зөвшөөрч, АН-ын үнэт зүйл, үйл хэргийг хүлээн зөвшөөрсөн хүмүүс АН-д нэгдэж АН-ын гишүүн гишүүний эрх үүргийг хэрэгжүүлэх дүрэм журамтай. Харин энэ үүргээ биелүүлээгүй зарим этгээдэд намын үндсэн дүрмийн хэмжээнд улс төрийн хариуцлага тооцох шийдвэр гаргалаа” гэж онцолсон.

АН-ын зүгээс гаргасан шийдвэртээ адилхан алдаатай гурван гишүүнийхээ зөвхөн нэгийг намаасаа хөөх шийдвэр гаргасан. Ингэх болсон гол шалтгаан нь УИХ дахь бүлгээ хамгаалж үлдэхийг хичээсэн бололтой.

Гэвч намаасаа сахилгын шийтгэл хүртэж, улмаар нэр дэвших эрхээ хасуулаад буй Л.Болд гишүүний зүгээс "Ардчилсан намын бүлгээс гарна" гэдгээ мэдэгдчихлээ.

Тэрбээр, АН-аас энэ Засгийн газрыг огцруулах санал гаргаагүй. Тийм саналд би гарын үсэг зураагүй. АН-ын дүрмээр бол өөрийнхөө Засгийн газрын эсрэг л санал өгөхийг хориглодог. Хэрвээ Ж.Батзандан, Д.Мурат бид гурав өөрийнхөө Засгийн газрыг огцруулахаар санал өгсөн бол харин ч буруудах байсан.

Би яг одоо АН-ын бүлгээс гарч байгаагаа мэдэгдэж байна. Би АН-ын бүлгийг тарааж байна. Цаашид АН-ын шинэчлэлийн хөдөлгөөнд гар бие оролцоно. Харин Ардчилсан намаас гарахгүй. Энэ миний байгуулсан нам. Сонгуульд өрсөлдөх хүртэл намын гишүүн байдаг. Өрсөлдөөд сонгогдсон бол УИХ-ын гишүүн, төрийн хүн болдог. Ардчилал бол цөөнхийн хүндэлдэг нийгэм шүү" гэсэн юм.

Ийнхүү эрх баригч МАН-ын тарьсан толхилцооний үр дүнгээр АН-ынхан бүлэггүй болох хэмжээнд тулж ирлээ. Нөгөө холуур явсан гайг өөртөө дуудна гэгч болов бололтой. Түүнчлэн С.Эрдэнийн мэдрэмжгүй, цагаа олоогүй шийдвэрийн балгаар АН-д итгэх иргэдийн итгэл буцаад ёроолдоо тултал уначихлаа.

Гэтэл саяхан булайгаа дэлгэлцсэн эрх баригч МАН, Ерөнхий сайд У.Хүрэлсүх нар АН-ын гурвын буянаар засгаа тогтоон барьж чадлаа. Харин МАН-ын баасан дээр АН халтирчихлаа.

А.Тамир

АРДЧИЛАЛ.МН

Мэдээ таалагдсан бол лайк дарна уу:

СЭТГЭГДЭЛ (1)

by 2018-12-04

иииииии

ШИНЭ МЭДЭЭ