Л.БОЛД: ХОЁР МУУГААС ХАМГИЙН МУУГ НЬ ЭХЛЭЭД ЗАЙЛУУЛАХ ЁСТОЙ

47307046_256501755026899_2824961635968352256_n.jpg Л.БОЛД: ХОЁР МУУГААС ХАМГИЙН МУУГ НЬ ЭХЛЭЭД ЗАЙЛУУЛАХ ЁСТОЙ

Адчилсан Намын Үндсэн дүрмийн хороо хуралдаж Ж.Батзандан, Л.Болд, Д.Мурат нарыг намынхаа үндсэн дүрмийг зөрчсөн гэж үзжээ. Энэ талаар УИХ-ын гишүүн Ж.Батзандан, Л.Болд нар хариу мэдэгдэл хийгээд байгаа юм.

УИХ-ын гишүүн Ж.Батзандан хэлэхдээ “Аливаа нам төрийн шийдвэр цаасан дээр бууж байж албаждаг. Гадуур яриад байгаа мэдээллийг гар дээрээ авч байж ийм шийдвэр гарчээ гэдгийг мэдэх байх. Монгол Улсын УИХ-ын гишүүн хүн бол ард түмний элч төлөөлөгч мөн бөгөөд нийт иргэн, улсын ашиг сонирхлыг эрхэмлэн баримтлана гэж байгаа.

Түүнээс намын зөвлөмжийг барих барихгүй, дагах дагахгүй нь УИХ-ын эрхийн асуудал байдаг юм. Тэр нам гэдэг чинь эрх ашгийн сүүлд тавих асуудал. Яахаараа шударга ёсны төлөө зогссон хүнийг унагах гэж оролддог юм бэ. Эх орончид эх орныхоо төлөө нам харгалзахгүй тэмцэх ёстой. Тэр нам чинь хэнд хамаатай юм бэ. Энэ улстөрийн намуудыг бүгдийг нь татан буулгах хэрэгтэй” гэсэн юм.

Харин УИХ-ын гишүүн Л.Болд хэлэхдээ “Хурлын шийдвэртэй танилцсан юм одоогоор алга. Ийм шийдвэр гарна гэж урьд шөнө надад мэдээлэл ирсэн. Би 90 онд Ардчилсан намд элссэн. Ийм коммунист нам болсныг огт мэдээгүй.

Бидэнд бол хууль зөрчсөн ямар ч үйлдэл байхгүй. Бидний гаргасан шийдвэр бол МАНАН бүлэглийг ялуулж болохгүй гэдэг дээр зогссон явдал байлаа. Өнөөдөр бид хоёр муугаас эхэлж хамгийн илүү мууг нь зайлуулах ёстой гэдэг шийдвэрт хүрсний үндсэнд ийм шийдвэр гаргасан. Мэдээж хэрэг цаашид Засгийн Газрыг огцруулах асуудлыг дахиад хөндөгдөнө шүү дээ.

Эцсийн эцэст дарааллын асуудал яригдаж байгаа. Засгийн Газарт хариуцлага тооцох асуудал яригдана. Гэхдээ эхлээд УИХ-ын дарга М.Энхболдоор толгойлуулсан бүлэглэлийг унагах байсан юм шүү.

А.Төмөр

АРДЧИЛАЛ.МН

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ