Н.НОМТОЙБАЯР ЖДҮ-Г ШАЛГАНА ГЭВ ҮҮ?

MPA_PHOTO-2018-8-2692.jpg Н.НОМТОЙБАЯР ЖДҮ-Г ШАЛГАНА ГЭВ ҮҮ?

УИХ-ын гишүүн Н.Номтойбаяр нарын гишүүд ЖДҮ-г шалгах түр хороо байгуулахаар болсноо өнөөдөр хэвлэлхэнд дуулгалаа. Тус ажлын хэсгийг УИХ-ын гишүүн Н.Номтойбаяр ахалж ажиллах бөгөөд ЖДҮХС-аас зээл аваагүй гишүүд нэгдэхээр болсон гэв.  Ийнхүү Н.Номтойбаяр нарын найман гишүүн ЖДҮ тойрсон асуудлыг шалгах Түр хороо байгуулах тогтоолын төслөө УИХ-ын дарга М.Энхболдод өргөн барьсан.

УИХ-ын гишүүн Н.Номтойбаяр хэлэхдээ “ЖДҮ-ийн зээлтэй холбоотой асуудлыг Сангийн яам шалгаж байгаа нь илтэд ашиг сонирхлын зөрчилтэй. Монголчууд ярьдаг. Хулгайч хулгайчаа шалгадаггүй гэж. Хоёрдугаарт, энэ асуудалтай холбоотойгоор шударга ёс, үнэн бодит мэдээлэл шаардсан нийгмийн хандлага их байна. Үүнийг шалгаж байгаа хууль хяналтын байгууллагыг дарамтлах, үйл ажиллагаанд нь нөлөөлөх оролдлого явж байна. Ялангуяа хэргийг нуун дарагдуулах. Үүнтэй УИХ дахь манай намын гишүүд болон АН-д санал хүргүүлсэн. Хамтарсан Ажлын хэсэг байгуулаад шалгана. Зөвхөн нэг намын төлөөлөл орохгүй гэсэн үг.” гэж мэдэгдсэн юм.

Харин олон нийтийн зүгээс ЖДҮХСанг шалгах түр хорооны ахлагч маань өөрөө хэр цэвэрхэн хүн билээ. Нөгөө хэрээ хэрээнийхээ харыг гайхав гэдэг шиг болох нь гэж шүүмжилж эхэллээ. Учир нь одоогоос жил гаруйн өмнө Засгийн Газраас дур мэдэн баталсан долоон концессын асуудалд ЖДҮ-г шалгах бүлгийн ахлагч Н.Номтойбаяр нэр холбогдож байв.

Ингэхдээ түүний мэдлийн “МАК” компани “Оюутолгой-Цагаан суварга чиглэлийн агаарын шугам, дэд станц төсөл”-өөр концессын гэрээ сэм байгуулсан байдаг. Тус концессын нийт төсөвт өртөг нь 78 тэрбум 752 сая төгрөг байсан юм. Мөн түүний эзэмшлийн “МАК” компани нь 2016 онд Хөгжлийн банкнаас нийт 109,6 тэрбум төгрөгийн зээлийг ч авсан байдаг. Түүнчлэн Н.Номтойбаяр Ж.Эрдэнэбатын Засгийн газрын сайд байхдаа өөрийнхөө компанийг 9,2 тэрбум төгрөгийн татвараас чөлөөлсөн байдаг билээ.

А.Төмөр

АРДЧИЛАЛ.МН

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ