УЕПГ-ЫН МӨРДӨН ШАЛГАХ ХЭЛТЭСТ 8 ТӨРИЙН ӨНДӨР АЛБАН ТУШААЛТНЫГ ШАЛГУУЛАХААР ӨГСНӨӨ МЭДЭГДЭВ

5bf4f6b6ec815.jpeg УЕПГ-ЫН МӨРДӨН ШАЛГАХ ХЭЛТЭСТ 8 ТӨРИЙН ӨНДӨР АЛБАН ТУШААЛТНЫГ ШАЛГУУЛАХААР ӨГСНӨӨ МЭДЭГДЭВ

"Даяар Монгол", "Хөх Монгол" бүлгэмээс өнөөдөр нэр бүхий 8 төрийн өндөр албан тушаалтныг УЕПГ-ын дэргэд түр байгуулагдсан Мөрдөн шалгах хэлтэст шалгуулах хүсэлт өгч байгаагаа мэдэгдэв.

"Хөх Монгол" бүлгэмийн тэргүүлэгч Б.Энхбат", “Намайг шоронд байх 10 жилийн хугацаанд Прокурорын дэргэдэх Мөрдөн байцаах албыг татан буулгасан байна. Бид энэ байгууллагыг дахин байгуулахыг шаардсан нь биелэлээ олж саяхан УЕПГ-ын дэргэд Мөрдөн шалгах хэлтсийг түр байгууллаа.

Одоогоор тэдний нэрийг зарлахгүй. Учир нь хэрэг шалгахаас өмнө зөрчлийн тухай хуулиар биднийг шалгаж дарамталж байгаа. Өмнө манай бүлгэмээс хууль бусаар хөрөнгөжсөн төрийн өндөр албан тушаалтнуудыг хөрөнгөнийхөө талыг Монгол Улсын өрийг дарахад хандивлахыг шаардсан. Мөн Сангийн Сайд Ч.Хүрэлбаатар, АМГТГ-ын дарга Х.Хэрлэн, БОАЖ-ын сайд асан Д.Оюунхорол нарыг шалгуулахаар хүсэлт өгч байсан. Гэвч эдгээр хүмүүсийг цагдаагийн байгууллага шалгаж амжаагүй байтал гүтгэж, заналхийлж айлгасан хэмээн зөрчлийн хуулиар гомдол гаргаад миний найзуудыг, хамтран зүтгэгчдийг шалгаж байцааж эхэлсэн. 8 хүний нэрийг нууцалж байгаа шалтгаан нь энэ. Харин хуулийн байгууллага шударга үнэнээр шийдвэрлэхгүй бол “ташуураа” бариад тэмцэх болно. Хуулийнхан биднийг тэмцлийн хурц байдал руу битгий түлхээч гэж хүсмээр байна” гэлээ. Мөн тус бүлгэмийнхэн "ардаа аль нэг намын санхүүжилт байхгүй, газар шороо, улс үндэстнийхээ төлөө шударгаар тэмцдэг байгууллага Даяар монгол, Хөх монголынхноос өөр байхгүй" хэмээн онцлон хэлж байв.

 

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ