ОЮУТОЛГОЙГ ШАЛГАХ АЖЛЫН ХЭСЭГ ТУН УДАХГҮЙ ДҮГНЭЛТЭЭ ТАНИЛЦУУЛНА ГЭВ

907ec817-ff45-4e5f-ac20-e277323b2a83.jpg ОЮУТОЛГОЙГ ШАЛГАХ АЖЛЫН ХЭСЭГ ТУН УДАХГҮЙ ДҮГНЭЛТЭЭ ТАНИЛЦУУЛНА ГЭВ

Оюутолгойн ордыг ашиглах хөрөнгө оруулалтын гэрээний хэрэгжилтийг шалгаж, санал, дүгнэлт гаргах үүрэг бүхий ажлын хэсэг бүрэлдээд жил гаруй хугацааг үдэж байгаа билээ. Тус  ажлын хэсгийг анхлан УИХ-ын гишүүн, Эдийн Засгийн байнгийн хорооны дарга Д.Дамба-Очироор ахлуулан ажилласан. Гэвч тодорхой хугацааны дараагаар тэрбээр өөрийн хүсэлтээр гэдэг шалтгаанаар ажлын хэсгийг ахлахаас татгалзсан. Харин түүний оронд тус ажлын хэсгийг үргэлжлүүлэн УИХ-ын гишүүн Д.Тэрбишдагва ахалж байгаа билээ.

Тус гэрээ монголчуудад ашигтай эсэхийг нягтлах, Монголын талд ногдох өгөөжийг нэмэх боломжийг эрэлхийлэх, хөрөнгийн зарцуулалтын үр ашгийг шалгах ажлын хэсэг УИХ-ын  13 гишүүний бүрэлдэхүүнтэй, дотроо таван дэд ажлын хэсэгт хуваагдан шалгалт явуулж байгаа.

Ажлын хэсгийн ажлын явцад нийтдээ 200 гаруй хуудас материал бүхий урьдчилсан дүгнэлт бэлэн болсон гэдгийг тус ажлын хэсгийн ахлагч  Д.Тэрбишдагва өмнө хэлж байсан юм.  Мөн тэрбээр хэлэхдээ “УИХ-аас байгуулагдсан ажлын хэсгийн гишүүдэд тус  урьдчилсан дүгнэлтийг нууцын зэрэглэлтэй  тараасан.  Уг нь есдүгээр сарын 25-ны дотор ажлын хэсгийн гишүүдийн санал, дүгнэлтийг нь авч албан ёсны дүгнэлтийг нэгтгэж гаргахаар төлөвлөж байсан  ч одоогоор зарим гишүүд саналаа ирүүлээгүй байгаа” гэж мэдэгдсэн.

Тэгвэл УИХ-аас томилогдсон ажлын хэсгийн дүгнэлтийг тун удахгүй танилцуулна гэдгийг ажлын хэсгийн ахлагч Д.Тэрбишдагва мэдэгдлээ. “Тэрбээр хэлэхдээ Оюутолгойн ордыг ашиглах хөрөнгө оруулалтын гэрээний хэрэгжилтийг шалгах ажил ерөнхийдөө дууссан. Ажлын хэсэг өдөр шөнөгүй сууж байна. Бэлэн болсон. Одоо АТГ болон Аудитын Газрын газраас сүүлийнхээ саналыг өгнө гэсэн. Тус саналууд ирчихвэл шалгалтын материалдаа хавсаргаад танилцуулна” гэсэн юм.

А.Төмөр

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ