ЗГХЭГ-ЫН ДЭД ДАРГА Б.БАТ-ЭРДЭНИЙГ ЧӨЛӨӨЛЖЭЭ

15426812205bf372840e940.jpg ЗГХЭГ-ЫН ДЭД ДАРГА Б.БАТ-ЭРДЭНИЙГ ЧӨЛӨӨЛЖЭЭ

ЗГХЭГ-ын дэд дарга Б.Бат-Эрдэнийг  үүрэгт ажлаас нь чөлөөлжээ. Түүнийг чөлөөлсөн шалтгаан мөн ЖДҮХС-тай холбогдож байгаа аж. Тодруулбал, түүний хамаарал бүхий компани нь Жижиг, дунд үйлдвэрлэлийг хөгжүүлэх сангаас зээл авсан нь тогтоогджээ. Б.Бат-Эрдэнийг 2018 оны хоёрдугаар сард ЗГХЭГ-ын дэд даргаар томилж байсан билээ.

ЖДҮХС-гаас зээл авсан гэх асуудал нэлээн хурцдаж, Засгийн газрыг огцруулах хэмжээнд хүргээд байна. Учир нь Ерөнхий сайд У.Хүрэлсүх ЖДҮХС-гаас зээл авсан сайд нартаа хариуцлага тооцож чадахгүй байгаа учир УИХ-ын гишүүн Д.Хаянхярваа тэргүүтэй нэр бүхий 27 гишүүн Засгийн газрыг огцруулах бичгээ УИХ-ын даргад өргөн бариад байгаа юм. 

Б.Бат-Эрдэнэ МАН-ын НАМЗХ-ын Ерөнхий нарийн бичгийн дарга, JCI  Олон улсын байгууллагад Ерөнхий нарийн бичгийн даргаар тус тус ажилласан. 2015 онд МХЕГ-ын дэд даргыг түр орлон гүйцэтгэгчээр томилогдож байсан юм.

Б.Анир 

 

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ