У. ХҮРЭЛСҮХИЙН ЗАСГИЙН ГАЗАРТ ТЭС Ч ҮЛДЭХ БОЛОМЖ АЛГА

46501072_1965962840139519_279115188534247424_n.jpg У. ХҮРЭЛСҮХИЙН ЗАСГИЙН ГАЗАРТ ТЭС Ч ҮЛДЭХ БОЛОМЖ АЛГА

У.Хүрэлсүхийн Засгийн Газрыг огцруулах бичгийг Д.Хаянхярваа нарын гишүүд өчигдөр УИХ-ын дарга М.Энхболдод өргөн барчихлаа. Тус бичигт МАН-ын хуваагдсан бүлэг гэгдэх 32-ийн бүлгээс нийт 27 гишүүн нь нэгэнт гарын үсэгээ зуржээ.

Бүлгийн даргаасаа нэгэнт огцорсон даруйдаа бүлгийнхээ гишүүдээр гарын үсэг зуруулж чадсан Д.Хаянхярваа хийсэн мэдэгдэлдээ "Би Монголын ард түмний өмнө төрийг тогтвортой байлгаж, ард түмний амьдралыг сайжруулах үүрэг хүлээсэн төрийн түшээ, Монгол Ардын намын Засгийн газар, Монгол Ардын намын дарга толгойлж байгаа энэ Засгийн газрыг огцруулахаар Монгол Ардын намын нэр бүхий 27 гишүүн өргөн барьж байгаадаа хүлцэл өчиж Монголын ард түмнээс уучлал гуйж байна. Яагаад гэвэл өнөөдөр Монгол Улсын үндэсний аюулгүй байдалд ноцтой хохирол учрах нөхцөл байдал үүссэн учраас бид Монгол Улсынх гэх нэг том эрх ашиг байхаас биш намын эрх ашигт захирагдах ёсгүй гэж үзэж байна. Монгол Улсын Ерөнхий сайд У.Хүрэлсүхийг огцруулах асуудлыг хэлэлцэж өгнө үү гэж дөнгөж сая УИХ-д өргөн мэдүүллээ.

Огцруулах болсон шалтгаан нь Монгол Улсын Үндсэн хуулийн 25 дугаар зүйлийн нэг дэх хэсгийн 6 дахь заалт, 43 дугаар зүйлийн 4 дэх хэсэг, Монгол Улсын Их хурлын тухай хуулийн 7 дугаар зүйлийн 1 дэх хэсгийн 3 дахь заалт болон 12 дахь заалтыг баримтлан дараахь үндэслэлээр Монгол Улсын Ерөнхий сайд У.Хүрэлсүхийг огцруулах санал гаргаж байна .

1-т ЖДҮХС-гийн хөрөнгийг албан тушаалаа урвуулан ашиглаж, өөрийн болон хамаарал бүхий аж ахуй нэгжүүдэд хууль тогтоомж зөрчин тэрбум тэрбумаар нь тараасан Засгийн газрын гишүүд болон төрийн бусад албан хаагчдад ёс зүйн хариуцлага хүлээлгээгүй

2-т Үндсэн хуульд захирагдаж, төрийн хуулийн хэрэгжилтийг нь хангах үүрэгтэй Ерөнхий сайд гудамжны эмх замбараагүй жагсаал цуглаанд уриалсан уулзалт зохион байгуулж Монгол төрийн тогтворгүй байдал, нийгмийн дэг журмыг алдагдуулахад хүргэж болзошгүй үйлдэл хийсэн

3-т Гадаадын иргэнд лиценз дамлан зарсан.

4-т Монгол Улсын төсвийг хэлэлцэх явцад Монгол Улсын Ерөнхийлөгчийн зүгээс удаа дараа Мал аж ахуйн гаралтай түүхий эдийг боловсруулах, дахин боловсруулах чиглэлээр тодорхой арга хэмжээ авч төсвийн хөрөнгөд тусгаж аж үйлдвэрийн цогцолборыг бий болгох чиглэлд анхаарах саналыг тавьсаар байтал 2019 оны төсвийг боловсруулж оруулж ирэхдээ уг асуудлыг оруулж ирээгүй. Төсөв батлагдсны дараа Ерөнхийлөгч бүхэлд нь хориг орж ирсэн. Хоригийг хүлээж авбал 2019 оныг төсөвгүй угтах, ингэвэл цалин хөлс, тэтгэвэр тэтгэмж гээд олон зардлыг санхүүжүүлэх боломжгүй болох ноцтой үр дагавар гарахыг Ерөнхий сайд У.Хүрэлсүх дэмжиж байгаа.

5-т Мөнгө угаах, оффшор бүсэд нуугдсан хөрөнгийг оруулж ирэх асуудлаар УИХ олон удаа ярьсан. Энэ асуудлаар Засгийн газар анхаарал хандуулаагүй.

6-т Төрийн хамгаалалтанд байдаг албан хаагч ажлын байран дээрээ алагдсан. Төрийн албан хаагчаа ажлын байран дээр хамгаалалтанд байхад нь хамгаалж чадахгүй байгаа нь ард иргэдийн амьдралд ноцтой асуудал үүсэхийг үгүйсгэхгүй - Гадаадын тусгай албан хаагч Монголын нутаг дэвсгэрээс хүн хулгайлах үйл ажиллагаа явуулахыг завдсан. Үүнийг Монгол Улсын Засгийн газартай тохирсон гэж удаа дараа мэдэгдээд байхад өнөөдрийг хүртэл Засгийн газраас ямар нэгэн хариу өгөхгүй байгаа нь энэ үйлдэл нь өөрөө хүний эрх эрх чөлөөг хангах Үндсэн хуулийн тулгуур зарчмыг ноцтой зөрчсөн үйлдэл болж байна гэж үзэж байна." гэж онцолсон.

Харин гарын үсэг зурсан 27 гишүүдийн дотор одоогийн ЗГ-ын танхимын сайд Ц.Цогзолмаагийн гарын үсэг байгаа нь ихээхэн сонирхол татаж байгаа юм. Танхим нь огцорсон ч дараагийн засагтай сүүлэрч сайдаар дахин томилогдох тохироо хийсэн байх ч талтай юм.

Ингээд 32-ийн бүлгийн хүсэл биелж У.Хүрэлсүхийн ЗГ-ыг огцруулах ажилдаа нэгдчихлээ. Харин тэдэн дээр нэмж сөрөг хүчин Ардчилсан Намын 9 гишүүн болон бие даагч О.Баасанхүү,С.Жавхлан нар нэмэгдэхэд ЗГ-ын хувь заяа бүрхэг болчихож байгаа юм. Одоо У.Хүрэлсүхэд үлдсэн ганцхан боломж нь Ардчилсан Намын гишүүдийг тойлох. Гэтэл сөрөг хүчний зүгээс Ерөнхий сайдын талд зогсохгүй гэдгээ аль эрт мэдэгдчихсэн.

Тиймээс У.Хүрэсүхийн Засгийн Газарт тэс ч үлдэх боломж тун хомс болчихлоо. Эцэст нь дүгнэхэд 33-ийн бүлгийнх нь өмнө хийсэн үйлдэл дахин давтагдаж 32-ийн бүлгийнхээ гараар МАН-ынхан хоёр дахь удаагаа Засгаа огцруулах нь ээ.

А.Төмөр

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ