ХЯТАДУУД НҮҮРСНИЙ ИМПОРТОО ЗОГСООСНООР МАНАЙ УЛСЫН НҮҮРСНИЙ САЛБАРТ ГАЦАА ҮҮСЭХ ҮҮ?

111.jpg ХЯТАДУУД НҮҮРСНИЙ ИМПОРТОО ЗОГСООСНООР МАНАЙ УЛСЫН НҮҮРСНИЙ САЛБАРТ ГАЦАА ҮҮСЭХ ҮҮ?

Манай улсын нүүрсний салбарын хамгийн гол хэрэглэгч болох Хятад улс 2018 оныг дуустал бүх боомтоороо ямар ч төрлийн нүүрс импортоор авахгүй байх шийдвэр гаргажээ.

“Энэ тухай Хятадын Фэнвэй (sxcoal.com) судалгааны байгууллагын дэд захирал Сара Лиутай утсаар ярилцаж мэдээлэл авсан юм. Мөн бид өнгөрсөн долоо хоногт Бээжинд хамтран нүүрсний олон улсын хурал хийсэн байгаа. Оны эцэст байдал ийм болохыг Coal Mongolia-2018 чуулган дээр олон улсын судлаачид анхааруулаад байхад манай төр засгийнхан тоогоогүй юм” гэж эдийн засагч Л.Наранбаатар өөрийн цахим хуудастаа онцолжээ.

Өмнөд хөрш БНХАУ-ын зүгээс ийм шийдвэр гаргаснаа 2017 онд импортоор авсан нүүрсний хэмжээнээс давуулахгүй байх төлөвлөгөөтэй байсан, он гарахаас 40-өөд хоногийн өмнө төлөвлөгөө биелсэн учраас нүүрс импортоо зогсоосон гэж тайлбарлажээ. Тус тодорхойгүй байдал ирэх оны 2-р сар хүртэл үргэлжилж болзошгүй байгааг тус салбарын экспертүүд онцолж байгаа юм.

Тиймээс манай улсын нүүрсний салбарт хэсэгтээ гацаа үүсэх нь тодорхой болсныг салбарын мэргэжилтнүүд анхааруулсаар байна. Мөн уурхайнууд тээвэр болон олборлолтоо танахгүй бол нүүрс тээвэрлэлтийн замд үүссэн урт дараалал улам нэмэгдэж жолооч нар “цагаан сар” хүртэл тээврийн замд амьдар ч магадгүй нөхцөл байдал үүсчихжээ.

А.Төмөр

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ