Д.САРАНГЭРЭЛ САЙД ХАРИУЦЛАГАГҮЙ МЭДЭГДЭЛ ХИЙСНИЙХЭЭ ТӨЛӨӨ ХАРИУЦЛАГА ХҮЛЭЭХ ҮҮ?

ardchilal.jpg Д.САРАНГЭРЭЛ САЙД ХАРИУЦЛАГАГҮЙ МЭДЭГДЭЛ ХИЙСНИЙХЭЭ ТӨЛӨӨ ХАРИУЦЛАГА ХҮЛЭЭХ ҮҮ?

Эрүүл Мэндийн сайд Д.Сарангэрэлийн мэдэгдлээс үүдэн иргэд олон нийтийн дунд “Виферон” хэмээх өвчин намдаагч лааны талаар нилээдгүй маргаан үүсээд байна. Учир нь салбарын сайдын зүгээс "Виферон" лаа нь тухайн үедээ вирус устгадаг ч 1-2 жилийн дараа хүүхдийг дархлаагүй болгодог" хэмээн мэдэгдсэн явдал юм.

ЭМ-ийн сайд Д.Сарангэрэл хийсэн мэдэгдэлдээ "Азийн хөгжлийн банкны хамт олон судалгаа хийгээд "Виферон" лааг олон улсад хориглосон" гэж ярьжээ. Гэтэл сайдын тус мэдэгдэл нь Монголын урдаа барьдаг эрдэмтэн, докторуудын эсэргүүцэлтэй тулгараад зогсохгүй хилийн чанадаас тайлбар ирүүлэхэд хүргэчихжээ.

ОХУ-ын гавьяат эмч, Анагаах ухааны доктор, профессор Краснопольский Владислав Иванович " ОХУ-ын Эрүүл мэндийн салбарын шилдэг бүтээл, Төрийн хошой шагналт "ВИФЕРОН" лаа нь Манай эрдэмтдийн 50 жилийн шилдэг бүтээлийн нэр төрд мэдлэг боловсрол тааруу, улс төрч халдсан явдалд ихэд бухимдаж байна. Тэр сайд гэгч нөхөр алдаагаа засан уучлалт гуй" гэсэн байна. Мөн Азийн хөгжлийн банк "Манай баг хамт олон ямар ч судалгаа хийгээгүй, виферон лааны талаар тийм мэдэгдэл хийгээгүй" гэсэн хариу мэдэгдэл гаргажээ.

Ийнхүү мэдлэг, мэдээлэл дутмагаасаа болж амны алдаа гаргасан уу, эвсэл санаатайгаар тус мэдээллийг түгээсэн үү гэх сайд Д.Сарангэрэл "Би Вифероныг хэрэглээнээс хасах тухай яриагүй" гэж санд мэнд мэдэгдсэн байх юм. Түүнчлэн яамныхаа холбогдох албаны хүмүүсээр мэдээлэл хийлгээд өөрийгөө хамгаалуулаад амжлаа. Тэд хийсэн мэдэгдэлдээ сайд Д.Сарангэрэлийг хамгаалсан үгнээс өөрийг онцолсонгүй. Нэг ёсондоо сайд  ул үндэсгүй мэдээлэл түгээсэн алдаагаа залруулах санаатай хэлснээсээ ийнхүү булзчихжээ.

Ямартай ч Д.Сарангэрэл сайд яагаад тийм мэдэгдэл яаран сандран хийв гэдэг нь ихэд сонирхол татаж байгаа юм. Арай иргэдийн эрүүл мэндээр дэнчин тавьсан эмийн бизнест сайд толгойлон оролцоод яваа юм биш биз дээ.

А.Төмөр                                                               

 

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ