ШАТАХУУНЫ ҮНИЙН ЭСРЭГ ЖАГСААЛД ОРОЛЦСОН ОЛОН ЗУУН ХҮН ГЭМТЭЖ БЭРТЖЭЭ

5bf2368f09bc3.jpeg ШАТАХУУНЫ ҮНИЙН ЭСРЭГ ЖАГСААЛД ОРОЛЦСОН ОЛОН ЗУУН ХҮН ГЭМТЭЖ БЭРТЖЭЭ

Өнгөрсөн амралтын өдрүүдэд Франц улсад шатахууны үнийн нэмэгдлийг эсэргүүцэн жагссан жагсагчдын 400 гаруй нь гэмтэж бэртсэн тухай холбогдох албаны төлөөлөгч мэдээлэв.

Тус улсын Дотоод хэргийн яамнаас мэдээлснээр, 300 орчим жагсагчийг байцааж байгаа бөгөөд тэдгээрээс 157 хүнийг баривчилсан аж. Өнгөрсөн бямба гарагт болсон жагсаалд 228 мянга гаруй хүн оролцсон бөгөөд ням гарагт жагсагчдын тоо улам нэмэгдсэн байна. Жагсагчдын зарим нь Францын Ерөнхийлөгч Эммануэль Макроныг зэмлэн буруушааж байжээ.

Харин Э.Макрон уг жагсаалтай холбогдуулан ямар нэг тайлбар одоогийн байдлаар өгөөгүй хэвээр байна. Францын Ерөнхийлөгч өнгөрсөн онд засгийн эрхэнд гарах үедээ эдийн засагт шинэчлэлт хийж, шатахууны үнийн өсөлтийн эсрэг тэмцэхээ мэдэгдэж байсан ажээ.

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ