БНХАУ-ЫН БАРАА БҮТЭЭГДЭХҮҮНД ДАХИН НЭМЭЛТ ТАТВАР НОГДУУЛАХГҮЙ

5bef88d081a88.jpeg БНХАУ-ЫН БАРАА БҮТЭЭГДЭХҮҮНД ДАХИН НЭМЭЛТ ТАТВАР НОГДУУЛАХГҮЙ

 БНХАУ-ын импортын бараа бүтээгдэхүүнд дахин нэмэлт татвар ногдуулахгүй байж магадгүй гэж АНУ-ын Ерөнхийлөгч Дональд Трамп мэдэгджээ.

Д.Трамп баасан гарагт Цагаан ордноос сэтгүүлчдэд мэдээлснээр, хоёр улсын хооронд өрнөж буй худалдааны хурцадмал байдлыг намжаах арга хэмжээнүүдийн талаархи жагсаалтыг БНХАУ-ын тал илгээсэн аж. Уг жагсаалт нь 142 зүйлээс бүрдсэн бөгөөд тэдгээрээс заримыг зөвшөөрөхөд бэрх байсныг тэрбээр онцлон тэмдэглэжээ.

АНУ-ын засаг захиргаа БНХАУ-ын олон зуун тэрбум ам.долларын бараа бүтээгдэхүүнд нэмэлт татвар ногдуулсан бөгөөд үүний хариуд БНХАУ-ын тал ч ижил хэмжээний нэмэлт татварыг ногдуулсан юм.

Хоёр улсын төрийн тэргүүн энэ сарын сүүлээр Аргентины нийслэлд эхлэх “Их-20”-ийн дээд хэмжээний уулзалтын үеэр хоёр талын уулзалт хийх төлөвтэй байгаа билээ.

Харин АНУ-ын Худалдааны яамны ерөнхий нарийн бичгийн дарга Вилбур Россын пүрэв гарагт мэдээлснээр, уг уулзалтын үеэр талууд бүрэн гүйцэт, нарийвчилсан тохиролцоонд хүрнэ хэмээн найдлага тавихгүй байгаа аж. 

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ