ТОМИ, ЖЕРРИ: ХҮМҮҮС ХАР ТАМХИ ХЭРЭГЛЭЧИХСЭН ЮМ УУ ГЭЖ АСУУДАГ

qvmeITB.jpg ТОМИ, ЖЕРРИ: ХҮМҮҮС ХАР ТАМХИ ХЭРЭГЛЭЧИХСЭН ЮМ УУ ГЭЖ АСУУДАГ

"Mongolia”s Next Top Model" шоу нэвтрүүлгийн хоёрдугаар улирлын дугаар одоогоор гурван дугаарыг үзэгчдэд хүргээд буй. Гэсэн хэдий ч үзэгчдээс өндөр үнэлгээ авсан чадварлаг моделиуд бол загвар зохион бүтээгч ихэр эгч дүүс Томи, Жерри нар.

Нэвтрүүлгийн дундуур ОХУ болон Өвөр Монголоос ирсэн модель охидод тулгарч буй хэлний бэрхшээлийг төвөггүйхэн шийдэж байсан тэд унаган Орос хэлтэй аж. 12 нас хүртлээ ОХУ-д амьдарч байсан тэд эгч нарын хамтаар  “WRM design market”-ийг үүсгэн байгуулан ажиллуулж буй бөгөөд тэд өөрсдийгөө их зожиг хэмээн тодорхойлжээ. Мэргэжлийнхээ ачаар өдөр бүр өөрсдийгөө ялан дийлж шинэ хүмүүстэй танилцан хамтарч ажилладаг тэд "Яг үнэндээ бид хоёр их зожиг ш дээ. Хүмүүстэй харьцдаггүй байсан. Өөрсдийгөө дийлэн гарч зураг авалт, моделиудтай харьцах, хүмүүстэй уулзах гээд өдөр бүр өөрсдийгөө ялан гардаг" хэмээсэн байна. Тэдний жинхэнэ нэрийг Цэцэгсайхан, Цэцэгмаа гэдэг бөгөөд Орос улсад амьдарч байхдаа Томи, Жерри нэрийг авч байжээ. Томоо, Жижигээ хэмээх нэр явсаар Орос хүүхдүүд дуудахад эвтэйхэн болж Томи, Жерри болсон бөгөөд эх орондоо ирсний дараа өөрсдийн жинхэнэ нэрэндээ дасах гэж багагүй хугацааг зарцуулсан аж. Тэдний эцэг эх ч мөн загварын тал дээр чамгүй мэдрэмжтэй хүмүүс байдаг бөгөөд төрсөн эгч нь загварынхан дундаа алдартай загвар зохион бүтээгч.

Эгч нартайгаа нийлэн цагийг өнгөрөөх дуртай тэднийг гадуур хамт явж байхад нь хүмүүс "хар тамхи хэрэглэчихсэн юм уу? юу хэрэглэсэн юм бэ?" гэхчлэн асуудаг байна. Учир нь тэд хаа ч өөрийнхөөрөө чөлөөтэй байж чаддаг бөгөөд хар тамхины тал дээр эсрэг байр суурьтай байж хэрэглэхээс эрс татгалздаг байна. Харин нэвтрүүлгийн тухайд тэд өөрсдөдөө маш үнэтэй дурсамж үлдээсэн хэмээн тодорхойлсон бөгөөд "Боловсрол телевизед маш их баярласан. Гоё газруудаар явсан, маш гоё хүмүүстэй танилцсан. Дурсамж л үлддэг юм байна. Тэр л хамгийн гоё" хэмээсэн байна. 

 

 

 

Image may contain: 2 people, text

 

 

Image may contain: 2 people

 

 

 

 

 

 

 

Б.Болор

Эх сурвалж: Factnews.mn

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ