ШИНЭ ЖАГСААЛТ: МОНГОЛЧУУД 61 УЛС РУУ ВИЗГҮЙ ЗОРЧИХ БОЛОМЖТОЙ

65we_1t91we_65twet.jpg ШИНЭ ЖАГСААЛТ: МОНГОЛЧУУД 61 УЛС РУУ ВИЗГҮЙ ЗОРЧИХ БОЛОМЖТОЙ

“Henley Passport Index” жагсаалт шинэчлэгджээ

Henley & Partners компанийн гаргадаг “Henley Passport Index” жагсаалт нь санхүүгийн компаниудын гаргасан хэд хэдэн индексүүдийн нэг бөгөөд Олон Улсын Агаарын Тээврийн Холбоо болон 199 улсын паспорт, 227 чиглэлд зорчсон баримт мэдээлэлд суурилдаг. Бүтэн жилийн турш үргэлж шинэчлэгдэж байдгаараа давуу талтай.

Тэгвэл аль улсын паспорт дэлхийн хэдэн улс руу виз хүсэлгүйгээр нэвтэрч болдог талаар хамтдаа сонирхъё.

Монгол улс 61 улс руу визгүй зорчих эрхтэй гэдгээрээ 80 дугаар байранд оржээ.

Малдив, Беларус, Мадагаскар, Бразил, Панам, Экуадор, Израль, Турк, ОХУ, Серб тэргүүтэй улс руу визгүй зорчих эрхтэй. Үлдсэн улсыг ЭНЭ хуудсаар зочлон харах боломжтой.

Дэлхийн хамгийн хүчирхэг паспорт

/Япон, Сингапур/

“Henley & Partners” компанийн гаргадаг “Henley Passport Index” жагсаалтыг Япон улсын паспорт 190 улс руу зорчих эрхтэй гэдгээрээ тэргүүлж, дэлхийн хамгийн хүчирхэг паспортоор нэрлэгджээ.

Япон улсын иргэд энэ сарын эхээр Мьянмар луу визгүй нэвтрэх эрхтэй болсноор ийнхүү жагсаалтыг тэргүүлж, Сингапур 189 улс руу нэвтрэх эрхтэйгээр хоёрдугаар байрт оржээ.

/Герман, Франц, Өмнөд Солонгос/

Герман паспорт өмнө нь 188 улсаар жагсаалтыг тэргүүлж байсан бол одоо Франц, Өмнөд Солонгостой адил гуравдугаар байрт жагсжээ.

/АНУ, Их Британ/

Тэгвэл АНУ, Их Британий паспорт 186 улсад нэвтрэх эрхтэйгээрээ тавдугаар байрт байна.

/ОХУ/

Харин ОХУ-ын паспорт 119 орон руу нэвтрэх эрхтэйгээрээ 47-р байр луу буужээ.

Арабын Нэгдсэн Эмират улс аялал жуулчлалын бүс гэдгээрээ алдартай тул 2006 оны 62 дугаар байрнаас 21 дүгээр байр луу өгссөн бол БНХАУ-ын паспорт 2017 оноос хойш 14 байр өгсөж, 71 дүгээрт жагсжээ.

“Henley & Partners”-ын захирал Кристиан хэлэхдээ “Дэлхийн улс орнууд хоорондын харилцаа холбоо, хамтын ажиллагаагаа өргөжүүлж байгаа сайхан бөгөөд итгэмээргүй дүр зураг харагдаж байна”, “БНХАУ болон Арабын Нэгдсэн Эмират зэрэг улсыг харахад тэд дэлхийд илүү нээлттэй болж, бусад улс орнуудтай харилцаагаа сайжруулж буй нь энэхүү жагсаалтын байрны өөрчлөлтөөс анзаарагдаж байна” гэв.

Henley Passport Index жагсаалт

/Улс, визгүй зорчих улсын тоо/

1. Япон: 190

2. Сингапур: 189

3. Герман, Франц, Өмнөд Солонгос: 188

4. Дани, Финланд, Итали, Швед, Испани:187

5. Норвеги, Их Британи, Австри, Люксембург, Голланд, Португал, АНУ: 186

6. Бельги, Швейцарь, Ирланд, Канад: 185

7. Австрали, Грек, Мальт: 183

8. Шинэ Зеланд, Чех: 182

9. Исланд: 181

10. Унгар, Словен, Малайз: 180

Жагсаалтын хамгийн сүүлд Афганистан, Ирак оржээ.

Мөн “Arton Capital’s Passport Index” гэж бий. Үүнд НҮБ-д бүртгэтэй 193 улс болон Тайвань, Макао, Хонконг, Косово, Палестин, Ватикан зэрэг бүс нутгийг хамруулдаг.

Энэ байгууллагын 2018 оны жагсаалтаар Сингапур улсын паспорт 165 орноор тэргүүлж, Дани, Швед, Финланд, Люксембург, Итали, Франц, Норвеги, Голланд, Испани, Өмнөд Солонгос, АНУ-ууд 164 улсаар удаах байранд оржээ.

source: ub.life

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ