У.ХҮРЭЛСҮХИЙН ЗАСГИЙН ГАЗАР ОГЦРОХ УУ?

20180609_p1bsqpf9kvn1e4d413u216vp1p1p3.jpg У.ХҮРЭЛСҮХИЙН ЗАСГИЙН ГАЗАР ОГЦРОХ УУ?

Уг нь У.Хүрэлсүхийн цэвэрлэгээ амжилттай эхэлж өчигдөр л гэхэд УИХ дахь намын Бүлгийн дарга Д.Хаянхярвааг УЗ-с гарсан шийдвэрийн  дагуу үүрэгт ажлаас нь огцруулсан юм. Харин бүлгийн даргаасаа унасан Д.Хаянхярваагийн зүгээс намайг ЖДҮ-г хамгаалсангүй, намын даргатайгаа үг сөрсөн гэж огцрууллаа. Би Засгийн Газарыг огцруулах ажиллагааг эхлүүлж гишүүдийн гарын үсгийг зуруулахаа үргэлжлүүлнэ гэчихэв.

Уг нь Д.Хаянхярваа гурав хоногийн өмнө " Засгийн газрыг унагаах асуудал байхгүй, сая хөдөө явж байхад ард түмэн тогтвортой байдлыг л хүсэж байна" хэмээн томоохон сайтад өгсөн ярилцлагадаа /2018.11.10/ онцолж байсан. Гэтэл өнөөдөр тэр хэлсэн ярьсныхаа яг эсрэг талд гарчихаад гүйж явна.

Учир нь М.Энхболд тэргүүтэй 60 тэрбумын бүлэглэлийн толгойг цавчих ажиллагааг эхлүүлсэн У.Хүрэлсүхийн эсрэг босч өөрийн даргын эрх ашгийг хамгаалах үүрэг түүнд оноогдчихлоо. Улмаар Д.Хаянхярваагийн ажиллагаа биелэлээ олсон тул өнөөдрийн байдлаар засаг огцруулах ажиллагаанд УИХ-ын дарга М.Энхболд тэргүүтэй нэр бүхий гишүүд нэгдсэнийг эх сурвалжууд мэдээлж байна.

Хэрвээ Д.Хаянхярваа гишүүний албан бланк дээр нийт гишүүдийн 4/1-ээс доошгүй нь буюу 19 гишүүн гарын үсэг зурчихвал Ерөнхий сайдыг огцруулах асуудлыг УИХ-д өргөн барина. Асуудлыг УИХ долоо хоногийн дотор шийднэ гэсэн үг. Түүнчлэн ЗГ-ыг огцруулах Д.Хаянхярваа нарын мэргэн санаа хэрэгжвэл МАН-ын бүлгийн гишүүд Ж.Эрдэнэбатыг ЗГ-ыг огцруулсан шиг 33/31- ээрээ хоёр хуваагдах нь тодорхой болчихлоо. Учир нь өчигдөр хуралдсан МАН-ын бүлгийн хуралдааны үр дүнгээс байдал илэрхий харагдчихлаа. Тиймээс сөрөг хүчин болох АН-ын 9 гишүүний гарт У.Хүрэлсүхийн ЗГ-ын  хувь заяа шийдэгдэхээр байна.

Улмаар байдал ийм дүр зургаар өрнөвөл У.Хүрэлсүхийн намаа цэвэрлэнэ гэх их ажил энд хүрээд өндөрлөх тодорхой  болж байна. Мөн сайдын суудалд дахин залрах Ч.Улаан нарыг ажлаа хүлээлцээгүй байхад засаг нь тарчихаж мэдэх нь ээ. Ямар ч байсан ЖДҮ болон 60 бумынханы өөр хоорондын хөл толгойгүй зодооноос болж ард түмэн нар харахгүй нь бололтой.

А.ТӨМӨР

 

 

Мэдээ таалагдсан бол лайк дарна уу:

СЭТГЭГДЭЛ (1)

by 2018-11-14

битгий бууж өг.огцорсон ч нэр төртэй үлдэнэ. наад хулгайч нараа цэгцэлчивэл дахин төр толгойлох нас цаг хугацаа бий шүү хүрэлсүхээ.

ШИНЭ МЭДЭЭ