П.ЦАГААН: АСЕМ ЗОХИОН БАЙГУУЛАГЧИД МӨНГӨ ИДСЭН ГЭЖ МАШ ХАРИУЦЛАГГҮЙ МЭДЭГДЭЛ ХИЙСЭН

527-1511918269amtgs1nei6dz2swp3m2k0pxf8.jpeg П.ЦАГААН: АСЕМ ЗОХИОН БАЙГУУЛАГЧИД МӨНГӨ ИДСЭН ГЭЖ МАШ ХАРИУЦЛАГГҮЙ МЭДЭГДЭЛ ХИЙСЭН

Харин АСЕМ өндөрлөлөө. Монголчуудад юу үлдэв гэх асуулт ар араасаа хөвөрсөөр өнөөдрийг хүрч ирсэн. Түүнчлэн АСЕМ-ыг зохион байгуулахад 21 тэрбум төгрөг зарцуулсан байдаг. Харин тус мөнгөнөөс тухайн үеийн эрх баригч Ардчилсан намынхан нилээдгүй цохьсон гэх хардлага мэдээлэл нийгэм даяар тархаад байгаа. Тус мэдээллийг аудитын байгууллагын нэр бүхий албан тушаалтнууд олон нийтэд танилцуулж 17 хүний нэрсийг зарласан. Тодруулбал Ерөнхийлөгч асан Ц.Элбэгдорж, Хотын дарга асан Э.Бат-Үүл, ЕТГ-ын дарга асан П.Цагаан, Хан-Уул дүүргийн Засаг дарга асан Ж.Ганхуяг, Хотын орлогч дарга Ё.Гэрэлчулуун нарын талаар мэдээлэл цацагдсан. Тэгвэл эдгээр хүмүүсийн төлөөлөл өнөөдөр олон нийтэд мэдээлэл хийлээ.

Тухайн үед ЕТГ-ын даргаар ажиллаж байсан П.Цагаан хэлэхдээ “АСЕМ-ыг зохион байгуулахад 30-40 мянган хүн ажилласан. Монгол Улсын нэр хүндийг шалан дээр унагасан зүйл яваад байгаа учраас бид мэдээлэл хийж байна. Энэ улсаар дүүрэн хулгайчид байгаа юм шиг мэдээлэл цацаад байгаа. Ази, Европын төрийн өндөр албан тушаалтнуудыг хүртэл манай улсад ирээд баахан хулгайн юм идэж уугаад явсан мэтээр харлуулж байна. Арай дэндэж байна. Би энэ төрд ажиллах хугацаандаа төрөөс нэг ч төгрөг хумсалж үзээгүй. Миний мөр цагаан явсан юм шүү. Шалгаад гаргаад ир. Аудитын байгууллага маш хариуцлагагүй мэдэгдэл хийсэн” гэсэн юм.

Харин Хотын дарга асан Э.Бат-Үүл “АСЕМ бол улс төрийн олимп. Энэ чинь маш өндөр шаардлагатай. Бүх Европ, Азийн төрийн тэргүүнүүд маш өндөр шаардлага тавьсан. Өчнөөн хүмүүс хандив өгсөн шүү дээ. Монголын нэр төрийн хэрэг гэж бүгдээрээ тэмцсэн. Дэлхийн улс төрийн олимпыг бид зохион байгуулж чадсан юм. Улсын төсвөөс 240 тэрбум төгрөг гарах байсан шүү. Бид 20 тэрбумыг л гаргасан. АСЕМ-ыг гутаалгахгүй ээ. Ерөнхий аудитор Д.Хүрэлбаатар нарын хүмүүстэй маш хатуу тэмцэнэ гэв.

А.ТАМИР

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ