М.ЭНХБОЛД, Д.ХАЯНХЯРВАА, СУ.БАТБОЛД НАРТ ХАРИУЦЛАГА ТООЦНО

4d5283cb32828157ee8fe20ce831f547.jpg М.ЭНХБОЛД, Д.ХАЯНХЯРВАА, СУ.БАТБОЛД НАРТ ХАРИУЦЛАГА ТООЦНО

-УИХ-ын дарга М.Энхболд та ажлаа өг. Хариуцлага тооцож огцруулах шийдвэрийг намын дүрмийн дагуу хэлэлцүүлнэ. Монгол төрийн албан тушаалыг үнэлсэн гэх 60 тэрбумын хэрэгт холбогдсон. Ажлаа өгөөд хуулийн өмнө та Монгол хүний ёсоор оч.
-УИХ дахь МАН-ын бүлгийн дарга Д.Хаянхярваа та ажлаа өг. УИХ дахь МАН-ын гишүүдтэй холбоотой хариуцлагын асуудал тантай ч мөн адил холбоотой. ЖДҮХС-тай холбоотой хариуцлагын асуудлыг УИХ-ын чуулган дээр хэлэлцүүлэхэд та зарчмын эсрэг байр суурийг удаа дараа мэдэгдэж ёс зүйн алдаа гаргасан. МАН-ын бүлгийн гишүүдийн эв нэгдэл, хариуцлагатай байдал, зохион байгуулалтыг ханган ажиллаж чадаагүй.
-Улаанбаатар хотын дарга С.Батболд та ажлаа өг. Хүн амын 50 хувь нь амьдардаг нийслэлийнхэн сүүлийн хоёр жилд амь нас, эрүүл мэндээрээ хохирч байна. Гэрийнхээ гадаа тоглож наадаж байсан гэм зэмгүй хүүхдүүд амиа алдаж, эрүүл мэндээрээ хохирсоор байна. Хотын утааг бууруулах талаар та хоёр жил дорвитой алхам хийсэнгүй. Би үүний төлөө намынхаа олон мянган эгэл жирийн шударга гишүүд, ард түмэнтэйгээ хамтарч тэмцэнэ хэмэээжээ.

Хуралдааны дундуур бүлгийн дарга Д.Хаянхярваа өгсөн мэдэгдэлдээ “намайг ЖДҮ-г хамгаалсангүй гэж хариуцлага тооцно гэнээ. Намын бүлгийг хагалсан хүн нь би юм гэнэ. Харин хэн хагалаад байгааг олон нийт мэдэж байгаа. Би хариуцлага хүлээхээс татгалзаад байх зүйлгүй” гэж мэдэгдсэн. Бүлгийн дарга Д.Хаянхярвааг огцруулах асуудлыг МАН-ын бүлгийн хурал шийдэх юм. Хотын дарга Су.Батболдыг огцруулах ЗГ-ын албан бичгийг НИТХ-ын дарга С.Амарсайханд хүргүүлжээ. НИТХ уг асуудлыг 14 хоногийн хугацаанд хэлэлцэх үүрэгтэй аж. Харин УИХ-ын дарга М.Энхболдод  танхим нь хариуцлага хүлээлгэхээс өөрөөр хариуцлага хүлээлгэх боломж одоогоор байхгүй байгаа билээ. 
А.ТӨМӨР

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ