ЭРХ БАРИГЧДЫН ТОЛХИЛЦООН

46065491_2122584197803611_6965551280315957248_n.jpg ЭРХ БАРИГЧДЫН ТОЛХИЛЦООН

Ерөнхий сайд У.Хүрэлсүхийн хэлсэн хариуцлага тооцох, цаашилбал Их Хурлыг тараах тухай яриа намынх нь гишүүдэд тун чиг таалагдаагүй бололтой. Тиймээс чи биднийг мөргөвөл бид чамд хариуцлага тооцно гэдэг хатуухан үгс чулуудах гишүүд ч олширчихож. МАН-ын бүлгийн дарга Д.Хаянхярваагийн өнөөдрийн мэдэгдлээр бол Ерөнхий сайдын хэлсэн үг болчимгүй, дураараа аашилсан үйлдэл байж таарлаа.

Харин Д.Хаянхярваагийнхаар бол УИХ-ын гишүүдийн эрх мэдлээрээ далайлган зээл авсан асуудалд гишүүд уучлал хүсээд, зээлээ төлчихөд болох асуудал юм байх. Түүнчлэн зээл авсан гишүүдэд хариуцлага тооцуулхаар зэхэж байгаа Ерөнхий сайдын үйлдэл бүлгийнх нь гишүүдэд таалагдахгүй байгаа аж. Тиймээс даргадаа дүргүй болчихсон бололтой. Ингэж л тэдний нам доторх хагарал хуваагдал нь  илчлэгдлээ.

Уг үйл явдалтай зэрэгцээд У.Хүрэлсүхийн ЗГ-т бяцхан сандал суудлын тэмцэл давхар өрнөөд амжлаа. Учир юу вэ гэхээр ЖДҮ-ийг дэмжих сангийн зээлийг өөртөө болон намынхандаа тараагаад өгчихсөн ХХААХҮ-ийн асан сайдын суудалд өөрсдийн хүнээ томилуулчих санаатай фракцууд бүтэн нойргүй шахам гүйж яваа гэх юм. Сайдын суудал өгөхгүй бол унагана гэх бойкот явагдаж  байж ч мэдэх юм.

Ямартай ч МАН-д эв нэгдэл гэгч үгүй болчихсон нь тодоос тод болчихлоо. У.Хүрэлсүхийн нам доторх түймэр улам л улалзсаар өөрийг нь түймэрдэж мэдэх хэмжээнд хүрчих лээ.

А.Төмөр

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ