ФРАНЦАД БАРИЛГУУД НУРСНЫ УЛМААС ОЛОН ХҮН СУРАГГҮЙ БОЛЖЭЭ

5be10ebbd9f84.jpeg ФРАНЦАД БАРИЛГУУД НУРСНЫ УЛМААС ОЛОН ХҮН СУРАГГҮЙ БОЛЖЭЭ

Даваа гарагийн өглөө Францын өмнөд нутгийн Марсель хотод хоёр барилга нурсан бөгөөд энэ хэргийн дараа 10 хүн сураггүй болсон тухай мэдээлэл ирсний дагуу тус улсын аврах албаны ажилтнууд, үнэрч нохойнуудын хамтаар барилгын нурангин дунд ажиллаж байна.

Энэ тухай тус улсын Дотоод хэргийн сайд Кристоф Кастанер даваа гарагийн орой мэдээлжээ. Түүний хэлснээр, барилгуудыг нурах үед найман хүн дотор байсан нь тогтоогдсон бол хоёр нь барилгын хажуугаар өнгөрч явсан ажээ.

Францын олон нийтийн мэдээллийн хэрэгслүүдийн мэдээлж буйгаар, нурсан барилгын нэгийг ашиглалтаас гаргаж, нүүлгэн шилжүүлэх тушаалыг өгсөн байсан бөгөөд орон гэргүй хүмүүс толгой хоргодож байсан байж болзошгүй аж.

К.Кастанер сэтгүүлчдэд өгсөн ярилцлагадаа, “Найдлага тасарч болохгүй. Бид эрэн хайх ажиллагаагаа үргэлжлүүлсээр байх болно” гэж нэмж хэлсэн байна.

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ