ИСПАНИ УЛС ХАМГИЙН ОЛОН ЦАГААЧ ИРГЭН ХҮЛЭЭН АВЧЭЭ

5be10d68c4865.jpeg ИСПАНИ УЛС ХАМГИЙН ОЛОН ЦАГААЧ ИРГЭН ХҮЛЭЭН АВЧЭЭ

Испани улс энэ оны эхний арван сарын байдлаар Африкийн 47 мянга гаруй цагаач иргэн хүлээн авсан тухай тус улсын Дотоод хэргийн яам болон Олон улсын цагаачлалын байгууллагаас даваа гарагт гаргасан тайланд мэдээлэв.

2018 оны нэгдүгээр сараас 10 дугаар сарын сүүл хүртэлх хугацаанд Испани улсад ирсэн цагаачдын тоо 47505 хүрсэн нь өнгөрсөн зургаан жилийн хугацаанд байгаагүй өндөр үзүүлэлт болсон байна.

Зөвхөн 10 дугаар сард л гэхэд Африкийн арван мянга гаруй цагаач иргэн Газрын дундад тэнгисийг туулан Испанийг зорисон нь өвөл болохоос өмнө амжиж ирсэн нь энэ ажээ.

Цагаачдын олонхи нь Хойд Африкаас аюултай далайн аялал хийж ирсэн бөгөөд нийт 1775 завь боомтод ирсний дийлэнх нь тогтворгүй, хийлдэг завь байсан байна. Үүний зэрэгцээ дээрх аяллын үеэр 564 хүний амь нас эрсэдсэн тухай Олон улсын цагаачлалын байгууллагын тайланд мэдээлжээ.

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ