ХЯТАД АНУ-ТАЙ ЯРИА ХЭЛЦЭЭ ХИЙХЭД БЭЛЭН БАЙНА

5be10964941f2.jpeg ХЯТАД АНУ-ТАЙ ЯРИА ХЭЛЦЭЭ ХИЙХЭД БЭЛЭН БАЙНА

БНХАУ-ын эрх баригчид АНУ-тай худалдааны маргаантай асуудлаар яриа хэлцээ хийхэд бэлэн байна. Ийм мэдэгдлийг БНХАУ-ын дэд дарга Ван Цишань Америкийн бизнес эрхлэгч Майкл Блүүмбергийн Сингапурт зохион байгуулсан “Эдийн засгийн шинэ чуулга уулзалтын” нээлтийн үеэр үг хэлэхдээ хийв.

“Худалдаа, эдийн засаг бол хоёр талын харилцааны чухал бүрэлдэхүүн хэсэг юм. Үүсээд буй худалдааны зөрчилдөөнийг хэлэлцэж, асуудлыг шийдэх гарц хайхад Хятад улс бэлэн байна” гэж Ван Цишань мэдэгджээ. “Тогтвортой хамтын ажиллагаанаас хоёр улс хоёул ашиг хүртэнэ. Харин худалдааны маргаантай үед хоёул хохирно” гэдэгт тэрбээр итгэлтэй байгаагаа илэрхийлсэн байна.

Дээрх чуулга уулзалтыг Хятадын нийслэл Бээжин хотод зохион байгуулахаар төлөвлөж байсан боловч Хятад болон АНУ хооронд худалдааны маргаан хурцадсаны улмаас Сингапурт шилжүүлжээ.

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ