МОНГОЛ УЛСЫН ТӨСВИЙН ОРЛОГЫГ 9.6 ИХ НАЯД, ЗАРЛАГЫГ 11.5 ИХ НАЯД БАЙХААР БАТЛАВ

5bdbbf1b78959.jpeg МОНГОЛ УЛСЫН ТӨСВИЙН ОРЛОГЫГ 9.6 ИХ НАЯД, ЗАРЛАГЫГ 11.5 ИХ НАЯД БАЙХААР БАТЛАВ

УИХ-ын чуулганы нэгдсэн хуралдаанаар Монгол Улсын нэгдсэн төсвийн 2019 оны төсвийн хүрээний мэдэгдэл, 2020-2021 оны төсвийн төсөөллийн тухай хуульд өөрчлөлт оруулах тухай хуулийг батлав.

Уг хуульд нэгдсэн төсвийн тэнцвэржүүлсэн орлогын хэмжээг 2019 онд 9.6 их наяд, 2020 онд 10.7 их наяд байхаар тусгасан байна. Харин зарлагын дээд хэмжээг ирэх онд 11.5 их наяд, 2020 онд 12.3 их наяд байхаар тооцоолсон байна. Ингэснээр төсвийн алдагдал ирэх жил 1.9 их наяд, 2020 онд 1.6 их наяд байх юм. Түүнчлэн Засгийн газрын өрийн хэмжээ ирэх жил 19.5 их наяд байх бол 2020 онд 19.3 их наяд байна хэмээн хуульд тусгажээ.

Хэлэлцүүлгийн үеэр Н.Оюундарь гишүүн ирэх онд уул уурхайн салбараас хэдэн төгрөгийн орлого олох, 2019-2022 онд төлөх Монгол Улсын гадаад өрийн хэмжээг

Төсвийн байнгын хорооны дарга Б.Чойжилсүрэн, “Уул уурхайгаас 3 их наяд гаруй төгрөгийн орлого олохоор төлөвлөсөн” гэсэн хариулт өглөө. Түүнчлэн 2021 онд Мазаалай бондын 800 сая ам.доллар, 2022 онд Чингис бондын нэг тэрбум ам.долларын өр төлнө гэдгийг Сангийн сайд Ч.Хүрэлбаатар дурьдав.

Ийнхүү санал хураалт явуулахад хуралдаанд оролцсон гишүүдийн 86.7 хувь хуулийн төслийг батлахыг дэмжив.

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ