УИХ-ЫН ЧУУЛГАНЫ НЭГДСЭН ХУРАЛДААН ЭХЭЛЛЭЭ

5bdbb428cc23f.jpeg УИХ-ЫН ЧУУЛГАНЫ НЭГДСЭН ХУРАЛДААН ЭХЭЛЛЭЭ

УИХ-ын чуулганы өнөөдрийн нэгдсэн хуралдаан 10.10 цагт, 50.7 хувийн ирцтэй эхэллээ.

Хуралдааны эхэнд УИХ-ын дарга М.Энхболд хэлэлцэх асуудлын жагсаалтыг танилцуулав. Энэ үеэр О.Баасанхүү гишүүн, “АН-ын гишүүд хуралдаа орж ирэхгүй байна. Тус бүлэг Засгийн газрыг огцруулахыг шаардаж байгаа юм. Энэ асуудлыг эцэслэн шийдэхгүйгээр шууд төсөв батлах нь буруу. Тиймээс МАН болон АН зөвшилцөлд хүрэх хэрэгтэй. Нөгөөтэйгүүр Захиргааны ерөнхий хуульд өөрчлөлт оруулах тухай хуулийн төслийн хэлэлцүүлгийг хойшлуулах хэрэгтэй. Энэ хуульд төрийн удирдах албан тушаалтны шийдвэрийг хүчингүй болгохоор шүүхэд хандах асуудлыг таслан зогсоох заалт оруулсан. Өөрөөр хэлбэл, төр ямар ч хяналтгүй болно гэсэн үг” хэмээв.

Харин УИХ-ын дарга М.Энхболд, “Ирэх долоо хоногийн пүрэв, баасан гарагт орон даяар амарна. Тиймээс төсвийг өнөөдөр батлахаас өөр аргагүй. Миний бие АН-ын бүлгийг хуралдаа суухыг хүссэн албан бичгээ хүргүүлсэн” гэсэн тайлбар өглөө.

Мөн Захиргааны ерөнхий хуульд өөрчлөлт оруулах тухай хуулийн төслийн хэлэлцүүлгийг хойшлуулах асуудлаар санал хураалт явуулсан ч хуралдаанд оролцсон гишүүдийн олонх дэмжсэнгүй. Ийнхүү чуулганы хуралдаанаар Монгол Улсын 2019 оны төсвийн төсөлтэй хамт өргөн мэдүүлсэн 10 гаруй хуулийн төслийн эцсийн хэлэлцүүлгийг хийж эхэллээ.

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ