СПОРТЫН МАСТЕР Г.ПҮРЭВИЙН НЭРЭМЖИТ ШАТРЫН ТЭМЦЭЭН БОЛЛОО

5bd8fea53e848.png СПОРТЫН МАСТЕР Г.ПҮРЭВИЙН НЭРЭМЖИТ ШАТРЫН ТЭМЦЭЭН БОЛЛОО

Ховд аймгийн 200 гаруй өсвөрийн шатарчид оролцсон Эрдэнэбүрэн сумын харъяат Техникийн ухааны дэд эрдэмтэн Шатрын спортын мастер Г.Пүрэвийн нэрэмжит аймгийн аварга шалгаруулах тэмцээн боллоо.

Шатрын спортыг дэлгэрүүлэх, өсвөрийн шатарчдын ур чадварыг сайжруулах, Ховд аймгийн шатрын спортын хөгжлийг дэмжиж аймаг орон нутгаасаа шилдэг тамирчдыг тодруулж, цаашид дэмжиж ажиллах зорилгоор уг тэмцээнийг зохион явууллаа. Тэмцээнийг шатрын спортын мастер Г.Пүрэв агсны хүү “Төгс ургац” ХХК-нийн захирал П.Баясгалан болон түүний хүргэн Ү.Ганболд нар санаачлан ивээн тэтгэж, аймгийн БТСГазар, аймгийн шатрын холбоо, Жаргалант сумын 12 жилийн 7 сургууль, Эрдэнэбүрэн сумын 12 жилийн сургуулиуд хамтран энэ сарын 27-ны өдөр зохион байгуулав. Уг тэмцээн 10 хүртэлх насны эрэгтэй эмэгтэй, 14 хүртэлх насны эрэгтэй эмэгтэй гэсэн ангиллаар явагдлаа.

10 хүртэлх насны эмэгтэй ангилалд: 1дүгээр байранд Жаргалант сумын Цаст алтай цогцолбор сургуулийн сурагч Ази тивийн өсвөрийн аварга М.Ялгуун ,

10 хүртэлх насны эрэгтэй ангилалд: 1-р байранд Жаргалант сумын 7 сургуулийн сурагч М.Уугантөр,

14 хүртэлх насны эмэгтэй ангилалд: 1-р байранд Жаргалант сумын 1-р сургууль сурагч М.Мичидмаа,

14 хүртэлх насны эрэгтэй ангилалд: 1-р байранд Ховд сумын ЕБС-ийн сурагч М.Мейранбек нар шалгарч бусдыгаа манлайллаа.

Харин нийт оноо багийн нийлбэр дүнгээр тэргүүн байрыг Жаргалант сумын 7-р сургууль, 2 дугаар байр Жаргалант сумын Цаст Алтай Цогцолбор сургууль, 3 дугаар байрыг Ховд сумын сургууль эзэллээ Тэргүүн байранд шалгарсан Жаргалант сумын 7 дугаар сургууль алтан медаль, шилжин явах цомын эзэн болов.

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ