МОНГОЛЫН ЭМЭГТЭЙ ШИГШЭЭ БАГ АНХ УДАА ОЛИМПИЙН ЭРХИЙН ТӨЛӨӨ ТОГЛОНО

5bd7d3ec65a1b.jpeg МОНГОЛЫН ЭМЭГТЭЙ ШИГШЭЭ БАГ АНХ УДАА ОЛИМПИЙН ЭРХИЙН ТӨЛӨӨ ТОГЛОНО

Ц.Ганболд дасгалжуулагчтай эмэгтэйчүүдийн хөлбөмбөгийн үндэсний шигшээ баг "Токио 2020" олимпийн эрхийн төлөөх тэмцээний нэгдүгээр шатанд өрсөлдөхөөр өнөө өглөө Тажикстан улсыг зорилоо.

Монголын хөлбөмбөгийн шигшээ багуудаас анх удаа олимпийн наадмын эрхийн төлөө өрсөлдөх эмэгтэйчүүдийн үндэсний шигшээ баг Тажикстан, Сингапур, Филиппин, Тайвань гэсэн дөрвөн улстай А хэсэгт хүч, хурд, ур чадвараа сорино.

Тэмцээний эхний тоглолтоо 11 дүгээр сарын 04-нд талбайн эзэн Тажикстантай, хоёр дахь тоглолтоо 11 дүгээр сарын 06-нд Сингапурын шигшээ багтай, гурав дахь тоглолтоо 11 дүгээр сарын 08-нд Тайванийн шигшээ багтай тоглох хуваарьтай байна.

Олимпийн наадмын эрхийн төлөөх тэмцээн нь анх удаа оролцож буй хамгийн том тэмцээн төдийгүй Зүүн Азийн АШТ-ий хоёрдугаар шатны бэлтгэл болж байгаа гэдгээрээ онцлогтой юм.

 

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ