"РЕРИХҮҮДИЙН ЗАМААР" ҮЗЭСГЭЛЭН БА МОНГОЛЧУУДЫН ХӨГЖЛИЙН ТӨЛӨӨ

23-2T.png "РЕРИХҮҮДИЙН ЗАМААР" ҮЗЭСГЭЛЭН БА МОНГОЛЧУУДЫН ХӨГЖЛИЙН ТӨЛӨӨ

Санкт-Петербургийн Н.К.Рерихийн музей хүрээлэнгийн «Рерихүүдийн замаар» сэдэвт үзэсгэлэнгийн нээлт 10 дугаар сарын 22-ны орой ОСШУТ-д боллоо.

Үзэсгэлэнгийн нээлтийн эхэнд ОХУ-ын Элчин сайдын яамнаас Н.К.Рерихийн тухай үзэсгэлэнд хүрэлцэн ирсэн бүх хүмүүст мэндчилгээ дэвшүүллээ. Судлаач, зураач, гүн ухаантан Н.К.Рерих нь 92 жилийн өмнө найман сар Монгол оронд судалгаа хийжээ. Тэрээр 1930 онд Нью-Йорк хотод “Азийн зүрх”, Парис хотноо 1925 онд “Төвдийн уран зураг”, 1933 онд “Төв Азийн жимээр” зэрэг номнуудаа хэвлүүлсэн байдаг.

Мөн Улаанбаатар хотод 1926, 1927 онуудад “Буддын ёсны үндэс”, “Сангха буюу Община” зэрэг ховор ном товхимлыг дараалан хэвлүүлжээ. Н.К.Рерихийн удирдсан Төв Азийн шинжилгээний ангийн Монгол төдийгүй Энэтхэг, Төвд, Хятад зэрэг орны нутгаар аялахдаа авсан 60 гаруй гэрэл зураг авсан байдаг.

Санкт-Петербург дахь Н.К.Рерихийн гэр бүлийн музей-хүрээлэнд гэр бүлийн зураг, гэргий Елена Рерих, хүү Николай Рерих зэрэг хувь хүмүүсийн гэрэл зураг, хувийн эд зүйлс хадгалагддаг байна. Энэ удаагийн үзэсгэлэнд Энэтхэг, Монгол гэх мэт орнуудад аялсан болон өөрийнх нь гэрэл зураг, мөн олон бүтээлүүд тавигдсан байлаа. Мөн түүний хэлсэн гүн ухааны үгсийг видео бичлэгээр харуулав. 

Энэ үеэр ШУА-ын хүндэт гишүүн Ш.Бира “Н.К.Рерих болон түүний гэр бүлийг судлах ажлыг манай эрдэмтэн, судлаачид цаашид хийгээсэй гэж бодож байна. Н.К.Рерих Монголд модон байшинд амьдарч байхдаа хийсэн бүх зүйл Монгол улсын хөгжил, цэцэглэлтэнд маш чухал ач холбогдолтой юм. Залуучууд Н.К.Рерихийн талаархи мэдлэгээ улам өргөжүүлэх хэрэгтэй.“ гэж хэлсэн.

Мөн МОНН-ийн тэргүүн, МУ-ын баатар, ЗХУ-ын баатар, Сансарын нисгэгч Ж.Гүррагчаа хэлэхдээ “Эрхэм хүндэт ноёд, хатагтай нараа, Өнөөдөр Н.К.Рерихийн гэр бүлийн Монголын талаар хийсэн үйл явдал, бүтээлүүд нь монголчууд бидний бахархалыг зүй ёсоор хүлээдэг юм. Н.К.Рерихийн нэрээр Монгол улсыг гадаад ертөнцөд танин мэдэхэд үнэтэй хувь нэмэр оруулсныг үнэлж баршгүй гэж би хувьдаа боддог.

Ленинград хотод очиж Н.К.Рерихийн музейн бүтээлийг үзэж байсан хүн олон биш байх. Миний хувьд түүний гэр бүлдийн музей-хүрээлэнд зочилж, хамт олонтой нь танилцсан сайхан боломж олдсныг дурсан санахад таатай байна. Өнөөдрийн үзэсгэлэнгээс харахад, Н.К.Рерихийн бүтээл, зургууд монголчууд бидэнд улам их ойртож байна. Тэдний гэр бүл болон уран бүтээлийг монголчууд болон залуучуудад таниулах зорилгоор маш их зүйл хийж байгаа академич Ш.Бира болон түүний гэр бүлийнхэнд талархал илэрхийлж байна.” гэв.

www.ardchilal.mn Б.БАЯРМАА

 

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ