МОНГОЛЫН ОХИДЫН БАГ ЛИВАНД АНХНЫ БЭЛТГЭЛЭЭ ХИЙЖЭЭ

5bceca0dd2e57.jpeg МОНГОЛЫН ОХИДЫН БАГ ЛИВАНД АНХНЫ БЭЛТГЭЛЭЭ ХИЙЖЭЭ

Ливан улсыг зорьсон Монголын 19 хүртэлх насны охидын шигшээ баг Бейрут хотын Фоуад Чехаб хөлбөмбөгийн стадионд өнөөдөр анхны бэлтгэлээ хийлээ. Тэд цаг агаар, даралт, цагийн зөрүү зэрэг нь эрс ялгаатай энэ нутагт дасан зохицох анхны бэлтгэлээ хийжээ. Ази тивийн 19 хүртэлх насны охидын аварга шалгаруулах тэмцээн 2018 оны 10 дугаар сарын 24-28-нд дээр дурдсан цэнгэлдэх хүрээлэнд болно. Монголын хөлбөмбөгийн эрэгтэй шигшээ баг энэ сард Сингапур, Лаосын шигшээ багуудтай нөхөрсөг тоглолт хийсэн бол 19 хүртэлх насны эмэгтэй шигшээ баг ийнхүү Ливан улсад очоод байна. Тус тэмцээний А хэсэгт Австрали, Ливан, Хонгконг, Монголын багууд багтсан юм. Манай шигшээ баг маргааш эхний тоглолтоо Австралийн багтай хийх бөгөөд тоглолт Улаанбаатарын цагаар 21 цаг 30 минутаас эхэлнэ. А хэсгийн манай багийн тэмцээний хуваарийг танилцуулахад, 10.24-нд Монгол- Австрали, 10.26-нд Монгол - Хонконг, 10.28-нд Монгол – Ливан гэсэн хуваарь гарсан байна. Японч дасгалжуулагч Ики Ёүжигээр удирдуулсан Монголын охидын шигшээ багийн бүрэлдэхүүнд 10-16 хүртэлх насны тоглогчид багтсан юм.

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ