ХОНКОНГИЙГ МАКАОТАЙ ХОЛБОСОН ДЭЛХИЙН ХАМГИЙН УРТ ГҮҮР АШИГЛАЛТАНД ОРОХОД БЭЛЭН БОЛЖЭЭ

a7c54103d2ccf3ac09174e9623acd190.jpg ХОНКОНГИЙГ МАКАОТАЙ ХОЛБОСОН ДЭЛХИЙН ХАМГИЙН УРТ ГҮҮР АШИГЛАЛТАНД ОРОХОД БЭЛЭН БОЛЖЭЭ

БНХАУ-ын удирдагч Ши Жиньпин болон төрийн бусад өндөр албан тушаалтнууд ирэх өдрүүдэд улсынхаа өмнөд нутаг Гуандун мужаар зочлонгоо Хонконг-Жухай-Макао чиглэлийн 55 км урттай буюу дэлхийд хамгийн уртад тооцогдох шинэ гүүрний нээлтийн үйл ажиллагаанд оролцоно гэдгийг Хонконгийн хэд хэдэн эх сурвалжууд мэдээлсэн байна.

Инженерчлэлийн гайхамшиг болж, хүний гараар бүтсэн олон дээд амжилтуудыг эвдэж буй энэхүү бүтээн байгуулалтад Сувдан Мөрний адаг доогуур гарах 6.7 км урттай, хоёр хиймэл арлаар гол гүүртэйгээ холбогдсон туннель мөн багтжээ. Тэрхүү хоёр арал дээр гааль хяналтын бүсүүд байрлах аж. Тус гүүр нээгдсэнээр Хонконг, Макао болон эх газрын хятадын Жухай хот хоорондох усан замаар нэг цаг гучин минут явах хугацааг автобусаар ердөө 30 минутад туулдаг болохоор богиносгох юм байна.


Бүтээн байгуулалтад нийт 120 тэрбум хонконг доллар (15 тэрбум ам.доллар)-ын өртөг гарсан бөгөөд тус гүүр нь багадаа 120 жилийн турш ашиглагдах боломжтой, 360 км/цаг хүртэл хурдтай салхийг тэсвэрлэх чадвартайгаар баригдсан гэдгийг тус төслийг санаачлагч Мэнь Фанчао онцолжээ. Гүүрний барилгын ажил 2009 онд эхэлсэн ба техникийн болон аюулгүйн стандартын тал дээр Хонконг болон Макаогийн талын хооронд санал зөрөлдөх явдал олон гарсны эцэст стандартыг хамгийн өндөр түвшинд байлгахаар тохирсон гэдгийг тэрээр бас дурдсан байна.

Тус гүүрээр Макаогоос Хонконг хүрэхэд автобус нэг талдаа 120 хонконг доллар буюу 15 ам.долларын үнэтэй, харин хувийн машинаар явахад 175 хонконг долларын хураамж авна гэдгийг Гуандун мужийн болон Хонконгийн албаныхан урьдчилан мэдэгдсэн байна.

 
 
Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ