ЯВГАН ХҮНИЙ ЗАМУУДЫГ ХӨГЖҮҮЛСНЭЭР АВТО МАШИНААР ЗОРЧИХ ИРГЭД ЦӨӨРНӨ

zam.JPG ЯВГАН ХҮНИЙ ЗАМУУДЫГ ХӨГЖҮҮЛСНЭЭР АВТО МАШИНААР ЗОРЧИХ ИРГЭД ЦӨӨРНӨ

Улсын хэмжээнд нийт 600 000 орчим тээврийн хэрэгсэл зөвхөн Улаанбаатар хотод хөдөлгөөнд оролцож байгаа. Гэвч анх Улаанбаатар хотын нутаг дэвсгэрийн даац 500 000 орчим хүн оршин суух боломжтой гэж судалж байсан ч одоо үүнээс хэд дахин өссөн хүн ам суурьшиж байгаа юм. Үүнийгээ дагаад түгжрэлээс гарах арга замыг ч мөн адил хүн ам төвлөрөлт бусад хүчин зүйлтэй уялдуулах шаардлагатай байгаа юм. Зөвхөн авто замаас гадна явган хүний зам талбай, нийтийн эзэмшлийн талбайг хөгжүүлэх нь түгжрэлийг бууруулах хүчин зүйл болно гэдгийг зарим мэргэжилтнүүд үзэж байна. Одоо байгаа төлөвлөлтөд ингэж өөрчлөх ямар боломжууд байгаа талаар одоо хүргэе.
1911 оноос хойш хот төлөвлөлтийн таван төлөвлөгөө хийсэн байдаг. Үүнээс дөрөв нь социализмын үед хийгдсэн. Тухайн үед 260 000 хүм амтай байна гэж төлөвлөсөн байдаг. Энэ хэрээр авто зам болон ногоон байгууламжийн төлөвлөлт тусгагдсан байна. Гэвч өнөөдөр зөвхөн нийслэлд гэхэд нэг сая гаруй хүн амтай болжээ. Барилга байгууламж ч энэ хэрээр өссөн ч авто зам болон явган хүний замын хувьд учир дутагдалтай хэвээр байна. хамгийн наад захын жишээ гэхэд баянгол монгол хорооллоос нүхэн гарцаар гарч хотын төврүү ердөө 15 минутанд алхаж хүрэх боломжтой ч тав тухгүй эрсдэлтэй замаар зорчихгүйн тулд иргэд автомашинаар явахаас өөр аргагүй болсон байна.
Хэрэв нийтийн эзэмшлийн зам талбайг, явган хүний замыг цогцоор нь шийдэж чадвал түгжрэлд нөлөөлнө гэж мэргэжилтнүүд үзэж байна. Мөн хамгийн их түгжирдэг гэж хэлж болох Энхтайвны гүүр гэхэд мөн явган хүний зам хэт нарийн, дугуйн зам байхгүй. Хэрэв дугуйн замтай байсан бол Хан уул дүүргээс ирэх автомашины урсгал ч буурах магадлалтай. Уг нь хан уул дүүргээс энхтайвны гүүрээр хотын төв рүү орвол 20 орчим минут явган явах боломжтой юм байна. Тэгвэл захирагчийн ажлын албанаас энхтайвны гүүрийн хоёр талаар дугайн зам, явган хүний зам нэмэлтээр байгуулахаар төлөвлжээ.
Хамгийн сүүлд 2000-2020 он хүртэл хөгжүүлэх ерөнхий төлөвлөгөөг хэрэгжүүлж дуусч байгаа юм байна. харин 2040 он хүртэл хөгжүүлэх ерөнхий төлөвлөгөөг одоо боловсруулж байгаа энд мөн иргэдийн саналыг ч тусгаж байгаа. энд ямар өөрчлөлт орох талаар иргэн та ч бас саналаа өгч болно.
Б.Одонгарав

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ