“ДЭЛХИЙН ХУРИМТЛАЛЫН ӨДӨР"-ИЙГ ТЭМДЭГЛЭХ БОЛСОН ТҮҮХ

22-6TA.png “ДЭЛХИЙН ХУРИМТЛАЛЫН ӨДӨР"-ИЙГ ТЭМДЭГЛЭХ БОЛСОН ТҮҮХ

Монголбанкны төв байранд "Дэлхийн хуримтлалын адөр"-ийн нээлт 10-р сарын 22-ны өдөр боллоо. 

Нээлтэнд Монголын банкны Холбооны Гүйцэтгэх захирал Ж.Үнэнбат, ХБГУ-аас Монгол Улсад суугаа Онц бөгөөд Бүрэн эрхт Элчин сайд Штефан Дуппел нар үг хэлсэн юм.

Монголбанк, Сангийн яам, Санхүүгийн Зохицуулах Хороо, БСШУЯ хамтран “Олон нийтийн санхүүгийн суурь мэдлэгийг дээшлүүлэх үндэсний хөтөлбөр”-ийг 2016 оноос хойш хэрэгжүүлж байна. Хөтөлбөр нь Монгол Улсын санхүүгийн тогтвортой байдлыг хангах, санхүүгийн зах зээлийг хөгжүүлэх зорилтын хүрээнд иргэдийн санхүүгийн зах зээлд ухаалгаар оролцох оролцоог нэмэгдүүлэх, санхүүгийн бүтээгдэхүүний хүртээмжийг дээшлүүлэх зорилготой юм байна.

Хөтөлбөрийн хүрээнд Монголбанк,  Монголын Банкны Холбоо, ХБНГУ-ын Хадгаламжийн банкны олон улсын хамтын ажиллагааны сан, Хадгаламжийн Даатгалын Корпораци болон найман арилжааны банкуудтай хамтран “Дэлхийн хуримтлалын өдөр”- ийг 2017 онд амжилттай зохион байгуулж “Хуримтлалын бэлгэ тэмдэг”-тэй болжээ.

2018 онд “Дэлхийн хуримтлалын өдөр”-ийг  олон нийтийн санхүүгийн боловсролыг дээшлүүлэх зорилгоор ирээдүйдээ зориулан хуримтлал бий болгохын ач тусыг сурталчлан таниулах, хуримтлалын бүтээгдэхүүнийг хүртээмжтэйгээр хүргэх зорилгоор 10 дугаар сарын 22-оос 11 дүгээр сарын 2-ны өдрийг дуустал Улаанбаатар хот болон Дархан хотод тус тус  зохион байгуулахаар боллоо.

Дэлхий нийтээрээ жил бүрийн 10-р сарын 31-ны өдрийг хуримтлалын өдөр болгон тэмдгэлэн өнгөрүүлдэг уламжлал тогтжээ. Харин Монгол Улс энэ аянд нэгдэж, олон төрлийн арга хэмжээ зохион байгуулдаг болоод хоёр жил болж байна.

Дэлхийн хуримтлалын өдрийг тэмдэглэн өнгөрүүлж буй үйл явдлын өмнө эхлээд энэ өдрийн түүхээс сөхөн сонирхуулъя. Энэхүү санаачилга нь Италийн Милан хотноо 1924 оны 10 дугаар сарын 31-ний өдөр зохион байгуулагдсан Олон улсын Хадгаламжийн банкны 1 дүгээр чуулганы үеэр гарчээ.

Италийн профессор Филиппо Равизза чуулганы сүүлийн өдөр 10 дугаар сарын 31-ний өдрийг “Олон улсын хуримтлалын өдөр" хэмээн зарлан тунхаглажээ. Мөнгөн хуримтлалын чуулган /The Thrift Congress/-ны шийдвэрт мөн “Мөнгө хуримтлуулах дэлхийн өдөр"-ийг дэлхий даяар мөнгөн хөрөнгөө хуримтлуулахад зориулах өдөр болгон нь зүйтэй гэж тусгасан юм байна.

Мөнгөн хуримлалыг идэвхижүүлэх энэ дэмжлэгт тулгуурлан хадгаламжийн банк нь мөн сургуулиуд, сүм хийд, болон урлаг, спорт, мэргэжлийн болон эмэгтэйчүүдийн холбоодтой хамтран ажиллаж байжээ.

29 улс орны төлөөлөгчид энэхүү хуримтлуулах санаа сэтгэлгээг эдийн засгаас хараат болон бие даасан байдалтай даян дэлхийн нийт иргэдэд хүргэхийг хүссэн байна. Дэлхийн хуримтлалын өдөр нь улс оронд 10 дугаар сарын 31-нд тэмдэглэдэг байна. Энэ санаачилга гарснаас хойш банкууд гол төлөв ажиллаж, иргэд өөрийн дансандаа хуримтлал шилжүүлэх боломжийг бүрдүүлж өгсөөр өдийг хүрч байна.

Монголбанкны холбооны сайтад https://mba.mn/world-savings-day-mn/ дурдснаас авч үзвэл, “Мөнгө хуримтлуулах дэлхийн өдөр"-тэй болох санаа нь оргүй зүйлээс бий болоогүй юм. Амьжиргааны илүү өндөр түвшинд хүрэх, эдийн засгаа баталгаажуулахын тулд мөнгө хуримтлуулах санааг гаргасан хэд хэдэн жишээ баримт байдаг. тухайлбал, Испанид мөнгө хуримтлуулах үндэсний өдрийг анх удаа 1921 онд тэмдэглэн өнгөрөөж байсан бол АНУ-д мөн адил тэмдэглэн өнгөрөөж байжээ. Бусад улс орны хувьд, тухайлбал Германы хувьд, 1923 онд Германы мөнгөний шинэчлэлээс үүдэн өөрсдийн хадгаламжаа алдаад байсан ард түмний олонхийн итгэл найдвар нь эргэн сэргэсэн юм.

Дэлхийн 2 дугаар дайны дараа Дэлхийн хуримтлалын өдөр нь үргэлжилсээр байсан. Гэхдээ 1955-аас 1970 оны хооронд алдрын дээд цэгтээ хүрч байжээ. Үнэндээ тодорхой улс орнуудад бодит уламжлал болон тогтов. Тухайлбал, Австрид “Sparefroh" (Сэтгэл хангалуун хадгалагч", бас “баяртайгаар хуримтлууллаа!" гэж болно.) гэж нэрлэгддэг “хуримтлалын сахиус" нь Бүгд найрамдах улсын Ерөнхийлөгчийн талаар мэдээллээс хавь илүү түвшинд хүрч чаджээ. Түүгээр зогсохгүй түүний дараа гудамжийг мөн “Sparefroh" гэж нэрлэсэн юм. 1970-аад онд залуу хүмүүст зориулан гаргасан “Sparefroh-Journal" нэртэй боловсролын сэтгүүлийн хэвлэлтийн тоо 400,000 хувьд хүрч байжээ.

Өнөө үед олонхи иргэн нь банкинд өөрийн хуримтлалгүй хөгжиж буй улс орнуудад Дэлхийн хуримтлалын өдрийг зохион байгуулах талаар банкууд анхаарлаа хандуулж байна. Эдгээр улсын арилжааны банкууд нь тодорхой компанит ажил, санаачилга хэрэгжүүлдэг төрийн бус байгууллагатай хамтран ажиллаж, амьдралын түвшин доогуур иргэний хадгаламжийн дансыг хоёр дахин нэмэгдүүлэн эзэмшүүлж, хуримтлалыг нэмэгдүүлэхэд чухал үүрэг гүйцэтгэж байна.

Монгол улсад энэхүү өдрийг МБХолбооны санаачлагаар 2012 оноос эхлэн тэмдэглэж эхэлсэн бөгөөд хуримтлалын талаарх мэдээллийг олон нийтэд хүргэж сурталчлах ажлыг гишүүн байгууллагуудтайгаа хамтран зохион байгуулсан юм. Энэ жилийн хувьд арилжааны банкуудаас илүү өргөн хүрээнд сонирхолтой арга хэмжээ зохион байгуулах, харилцагчдыг урамшуулах зэргээр тэмдэглэж байгааг Холбооноос талархан дэмжиж буйгаа үүгээр илэрхийлье.” хэмээн энэ өдөр онцлон тэмдэглэж байна.

www.ardchilal.mn Б.БАЯРМАА

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ