ШИНЖЛЭХ УХААНЫ СУДАЛГААГ ҮЙЛДВЭРЛЭЛД НЭВТРҮҮЛЭХ БОЛОМЖИЙГ БҮРДҮҮЛНЭ

5bca974b1fcaf.jpeg ШИНЖЛЭХ УХААНЫ СУДАЛГААГ ҮЙЛДВЭРЛЭЛД НЭВТРҮҮЛЭХ БОЛОМЖИЙГ БҮРДҮҮЛНЭ

БСШУСЯ, Шинжлэх ухааны академи, Шинжлэх ухаан технологийн сан хамтран Монголын залуу эрдэмтэн судлаачдын дунд зохион байгуулж буй “Хүрэлтогоот” инженерчлэл, технологи, инновацийн эрдэм шинжилгээний бага хурлыг 14 дэх жилдээ зохион байгуулж байна.

“Хүрэлтогоот 2018” эрдэм шинжилгээний бага хурал өнгөрсөн сарын 06-нд эхэлсэн бөгөөд өнөөдөр “Техник технологи, инновацийн салбар хуралдаан”-аар үргэлжилж буй юм. Тус эрдэм шинжилгээний хурал нь залуу эрдэмтэн судлаачдын бүтээлийг олон нийтэд таниулах, дэвшилтэт техник, технологийн судалгаа шинжилгээний үр дүнг үйлдвэрлэл, бизнесийн үйл ажиллагаанд нэвтрүүлэх боломжийг бүрдүүлэх зорилготой. Өнөөдрийн хуралдаанд шилдэг 10 залуу судлаачаас гадна Шинжлэх ухааны гавъяат зүтгэлтэн, академич, доктор Д.Дашжамц, доктор Б.Загдхорол нар хүндэтгэлийн илтгэл тавих аж.

Өнөөдрийн хуралдаанаас өмнө Анагаах ухаан, Байгалийн ухаан болон Газарзүй, геологи, Нийгмийн шинжлэх ухаан, Эдийн засаг, бизнесийн удирдлагын салбар хуралдаан болсон. Харин энэ сарын 27-нд Хөдөө аж ахуй, биотехнологийн салбар хуралдаан болох юм.

“Хүрэлтогоот 2018”-ын төгсгөлд салбар хуралдаан бүрээс шалгарсан шилдэг 14 судлаачийг БСШУС-ын сайдын нэрэмжит Грант 4 сая төгрөгөөр шагнана. Мөн дэд байрт шалгарсан 14 судлаачид өргөмжлөл, үнэ бүхий зүйл, Улсын Ерөнхийлөгчийн нэрэмжит шагнал болон ШУА-ийн залуу судлаачийн тэтгэлэг олгох аж.

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ