ЕБС-ийн сургалтын хөтөлбөрийг боловсронгуй болгох аргачлалыг хүлээлгэн өглөө

19-2t.png ЕБС-ийн сургалтын хөтөлбөрийг боловсронгуй болгох аргачлалыг хүлээлгэн өглөө

“ЕБС-ийн сургалтын хөтөлбөрийг боловсронгуй болгох аргачлал”-ыг боловсруулан БСШУСЯ-нд 10 дугаар сарын 10-ны өдөр хүлээлгэн өгөх ёлол боллоо.

Энэ нь “Суралцахуйг дэмжих мэргэжлийн байгууллагын чадавхийг бэхжүүлэх төсөл”-ийн хүрээнд хийгджээ.

Сургалтын хөтөлбөрийг боловсронгуй болгох аргачлалыг БСШУСЯ, Жайка олон улсын байгууллага, Боловсролын хүрээлэн, Багшийн мэргэжил дээшлүүлэх институт, Боловсролын Үнэлгээний төв, багш бэлтгэдэг их, дээд сургуулийн төлөөлөл бүхий эрдэмтэн судлаачид хамтран БСШУС-ын сайдын тушаалаар батлуулан, үндэсний хэмжээнд хэрэгжүүлнэ.

Тус аргачлал батлагдаж, хүлээлгэн өгөх ёслолын үеэр цаашид БСШУСЯ-наас сургалтын хөтөлбөрийн шинэчлэлийг 10 жилийн циклийн дагуу зохион байгуулна. Сургалтын хөтөлбөр боловсруулах, хэрэгжүүлэх, үнэлэх, сайжруулах үе шат бүхий хоорондоо уялдаа холбоотой үйл ажиллагааг үндэсний түвшинд 10 жилээр төлөвлөх юм. Ингэснээр боловсролын тогтолцоо тасралтгүй, төлөвлөлт, менежмент нь тогтвортой болж боловсролын чанар сайжирна гэж үзжээ.

Жайка Олон улсын байгууллагатай хамтран хэрэгжүүлж байгаа төслийн сургалтын хөтөлбөрийн шинэчлэлийн 10 жилийн хугацаанд урт хугацаа, дунд хугацааны төлөвлөгөө, богино хугацааны төлөвлөгөө хийгдэх юм байна.

Төслийн зөвлөх, зохицуулагчаар Фүкү Томохиро ажиллажээ. Тус төсөл 2016 оноос 3 жилийн хугацаанд хэрэгжсэн байна. Боловсролын салбарт тулгамдаж буй асуудлын эх үүсвэр нь хөтөлбөр богино хугацаанд олон удаа өөрчлөгддөг явдал юм гэж тодотгожээ. Тиймээс асуудлын мөн чанарыг шийдвэрлэхээр салбарын яам зорьж байгаа нь Монголын Боловсролын яамны амжилт ололт гэдгийг ч онцлон тэмдэглэв.

1990-ээд оноос манай улсын ЕБС-ийн бүтцэд хийсэн өөрчлөлтийг даган боловсролын салбарт шинэчлэл эрчимжсэн. Сүүлийн 20 жилийн хугацаанд сургалтын хөтөлбөрт дөрвөн жилийн давтамжтай гурван удаагийн өөрчлөлт орсон байна.

Ийнхүү сургалтын хөтөлбөрийг тогтвортой, уялдаатай, төлөвлөлттэй байх гарын авлагыг боловсруулан үнэсний хэмжээнд түгээж байгаа аж. Харин өндөр хөгжилтэй орнууд боловсролын хөтөлбөрөө 7-10 жилийн давтамжтай шинэчилдэг байна.

 “Бид Богино хугацаанд аргачлалыг амжилттай боловсрууллаа. Цаашид хэн дуртай, хэн эрх мэдэлтэй нь сургалтын хөтөлбөр өөрчлөх боломжийг эрхзүйн хувьд шийдэж байна” БСШУСЯ-ны Ерөнхий боловсролын бодлогын газрын дарга Т.Ням-Очир тодорхойлон хэлсэн юм.

Монгол улсын ЕБС-ийн сургалтын хөтөлбөрийн өөрчлөлт жишээ нь, 1921-1940 оноос эхэлжээ. Сүүлийн жилүүдэд мэдээллийн эрин зуунй хөгжлийг даган боловсролын салбарын шинэчлэл, өөрчлөлт хурдасч байгаа гэж салбарын мэргэжилтнүүд дүгнэв.

Б.БАЯРМАА

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ